Bein útsending: David Cameron á Northern Future

David Cameron auk forsætisráðherra sjö annarra ríkja sátu blaðamannafund á Northern Future Forum ráðstefnunni í dag. Um er að ræða fimmta fund forsætisráðherra Norðurlandanna, Eystrasaltsríkjanna og Bretlands á vettvangi Northern Future Forum sem hófst í Reykjavík í morgun.

Ráðherrarnir hittust einnig óformlega í gærkvöldi að loknum kvöldverði með fulltrúum á Norðurlandaráðsþingi í Þjóðmenningarhúsinu.

Á blaðamannafundinum tók hver og einn ráðherra til máls, lýsti upplifun sinni af fundi þeirra í morgun og svöruðu spurningum blaðamanna.

Fundurinn var í beinni útsendingu á Vísi en hægt er að horfa á hann í spilaranum hér að neðan.

Fjölmargir fylgjast með ráðstefnunni en tugir erlendra fræðimanna eru komnir hingað til lands af þessu tilefni. Fjölmargir tíst undir merkinu #NFForum2015 eins og sjá má hér að neðan. 

#nfforum2015 Tweets