Umfjöllun og viðtöl: Grude Autoherc - Fram 22-38 | Framkonur einfaldlega mun sterkari Kristinn Páll Teitsson skrifar 16. október 2015 21:15 Steinunn Björnsdóttir, leikmaður Fram. vísir/stefán Framkonur gengu langt með að bóka sæti sitt í 3. umferð EHF-bikarsins í handbolta í kvöld með sextán marka sigri á Grude Autoherc. Seinni leikur liðanna fer fram annað kvöld en það þarf eitthvað kraftaverk til þess að Fram fari ekki áfram í næstu umferð. Leikmenn Fram runnu nokkuð blint í sjóinn í þessari viðureign en lítið var vitað um bosníska liðið fyrir leikina. Þær höfðu byrjað tímabilið af krafti í bosnísku deildinni og unnu sannfærandi sigur á liði frá Lúxemborg í fyrstu umferð EHF bikarsins. Fara báðir leikirnir fram í Safamýrinni en bosníska liðið var heimaliðið í kvöld og Fram verður heimaliðið annað kvöld. Það sást strax á fyrstu mínútunum í hvað stefndi en sóknarleikur Grude Autoherc var hreint út sagt lélegur, boltameðferðin slök og köstuðu þær boltanum sífellt frá sér. Þá vörðu markmenn liðsins vart skot í fyrri hálfleik. Framkonur nýttu sér þetta eftir því sem leið á leikinn og tóku tólf marka forskot inn í hálfleik, 21-9. Bosníska liðið átti ágætis rispu í seinni hálfleik þegar þeim tókst að minnka forskotið aftur niður í tíu mörk en eftir leikhlé Stefáns Arnarssonar, þjálfara Fram, settu leikmenn liðsins aftur í gír og gerðu út um leikinn. Lauk leiknum með sextán marka sigri Fram, 38-22, og var sigur liðsins í raun aldrei í hættu frá fyrstu mínútum leiksins. Fram er einfaldlega með töluvert sterkara lið og ætti Stefán að geta dreift álaginu vel líkt og hann gerði í kvöld í seinni leik liðanna í Safamýrinni annað kvöld en leikurinn hefst klukkan 18.00. Ragnheiður Júlíusdóttir var atkvæðamest í liði Fram með átta mörk en Hildur Þorgeirsdóttir bætti við sjö mörkum. Í markinu var Guðrún Ósk Maríasdóttir með 41% markvörslu.Elísabet: Þetta verður formsatriði á morgun „Þetta er ekki búið en það er auðvitað léttir að við höfum unnið hann. Við verðum hinsvegar að vera tilbúnar í leikinn á morgun,“ sagði Elísabet Gunnarsdóttir, leikmaður Fram, sátt að leik loknum í kvöld. „Það er oft þannig í Evrópukeppnum að liðin mæta oft allt öðruvísi stemmdar milli daga en það verður formsatriði fyrir okkur að klára þetta á morgun. Við megum hinsvegar ekki koma værukærar til leiksins á morgun.“ Elísabet sagði að undirbúningurinn fyrir leikinn hefði verið sérstakur en Fram vissi lítið um mótherjann fyrir leikinn. „Þetta var mjög skrýtið, við gátum eiginlega ekki undirbúið okkur fyrir þetta lið. Við þurftum bara að undirbúa okkur og vita hvað við ætluðum að gera. Þær litu vel út á æfingunum sem við sáum en þetta er allt annað í leikjum,“ sagði Elísabet sem var ánægð með spilamennsku liðsins í 55 mínútur. „Við vorum að spila vel og við höfum verið að spila mun betur í síðustu leikjum. Við vitum betur hvað þarf að gera og getum jafnvel gert enn betur í grunnatriðum handboltans sem við vorum aðeins að klikka á í leiknum.“Stefán: Í góðum liðum þurfa leikmenn að berjast fyrir mínútum „Já, við vissum ekki hvað við værum að fara út í og við náðum að vinna leikinn með flottri spilamennsku,“ sagði Stefán Arnarson, þjálfari Fram, aðspurður hvort úrslitin hefðu verið betri en hann þorði að vona fyrir leikinn. „Maður vissi lítið um styrkleika andstæðingsins en eftir að þær jöfnuðu í 6-6 náðum við sex mörkum í röð og þá sást getumunurinn á liðunum,“ sagði Stefán sem sagði að það hefði verið erfiðara en oft áður að undirbúa liðið fyrir leikinn. „Það tók okkur smá tíma að lesa þær en eftir að okkur tókst að gera það varð spilamennskan mun betri. Þær komu aðeins með tólf leikmenn og við vorum með sextán og fyrir vikið reyndum við að spila hratt.“ Stefán gat gefið öllum leikmönnum liðsins mínútur enda sigurinn löngu í höfn um miðbik seinni hálfleiks. „Við gerðum marga góða hluti í dag og liðið lék heilt yfir vel. Það eru leikmenn í hópnum sem vilja spila meira en þær fengu fleiri mínútur í dag og þannig er það í góðum liðum. Leikmenn þurfa að berjast fyrir mínútunum.“ Íslenski handboltinn Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti United niðurlægt í Malasíu Enski boltinn Þeir bestu (3. sæti): Sannkallaður Benjamin Button Íslenski boltinn Í beinni: Real Betis - Chelsea | Barist um titil í Póllandi Fótbolti Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ Sjá meira
Framkonur gengu langt með að bóka sæti sitt í 3. umferð EHF-bikarsins í handbolta í kvöld með sextán marka sigri á Grude Autoherc. Seinni leikur liðanna fer fram annað kvöld en það þarf eitthvað kraftaverk til þess að Fram fari ekki áfram í næstu umferð. Leikmenn Fram runnu nokkuð blint í sjóinn í þessari viðureign en lítið var vitað um bosníska liðið fyrir leikina. Þær höfðu byrjað tímabilið af krafti í bosnísku deildinni og unnu sannfærandi sigur á liði frá Lúxemborg í fyrstu umferð EHF bikarsins. Fara báðir leikirnir fram í Safamýrinni en bosníska liðið var heimaliðið í kvöld og Fram verður heimaliðið annað kvöld. Það sást strax á fyrstu mínútunum í hvað stefndi en sóknarleikur Grude Autoherc var hreint út sagt lélegur, boltameðferðin slök og köstuðu þær boltanum sífellt frá sér. Þá vörðu markmenn liðsins vart skot í fyrri hálfleik. Framkonur nýttu sér þetta eftir því sem leið á leikinn og tóku tólf marka forskot inn í hálfleik, 21-9. Bosníska liðið átti ágætis rispu í seinni hálfleik þegar þeim tókst að minnka forskotið aftur niður í tíu mörk en eftir leikhlé Stefáns Arnarssonar, þjálfara Fram, settu leikmenn liðsins aftur í gír og gerðu út um leikinn. Lauk leiknum með sextán marka sigri Fram, 38-22, og var sigur liðsins í raun aldrei í hættu frá fyrstu mínútum leiksins. Fram er einfaldlega með töluvert sterkara lið og ætti Stefán að geta dreift álaginu vel líkt og hann gerði í kvöld í seinni leik liðanna í Safamýrinni annað kvöld en leikurinn hefst klukkan 18.00. Ragnheiður Júlíusdóttir var atkvæðamest í liði Fram með átta mörk en Hildur Þorgeirsdóttir bætti við sjö mörkum. Í markinu var Guðrún Ósk Maríasdóttir með 41% markvörslu.Elísabet: Þetta verður formsatriði á morgun „Þetta er ekki búið en það er auðvitað léttir að við höfum unnið hann. Við verðum hinsvegar að vera tilbúnar í leikinn á morgun,“ sagði Elísabet Gunnarsdóttir, leikmaður Fram, sátt að leik loknum í kvöld. „Það er oft þannig í Evrópukeppnum að liðin mæta oft allt öðruvísi stemmdar milli daga en það verður formsatriði fyrir okkur að klára þetta á morgun. Við megum hinsvegar ekki koma værukærar til leiksins á morgun.“ Elísabet sagði að undirbúningurinn fyrir leikinn hefði verið sérstakur en Fram vissi lítið um mótherjann fyrir leikinn. „Þetta var mjög skrýtið, við gátum eiginlega ekki undirbúið okkur fyrir þetta lið. Við þurftum bara að undirbúa okkur og vita hvað við ætluðum að gera. Þær litu vel út á æfingunum sem við sáum en þetta er allt annað í leikjum,“ sagði Elísabet sem var ánægð með spilamennsku liðsins í 55 mínútur. „Við vorum að spila vel og við höfum verið að spila mun betur í síðustu leikjum. Við vitum betur hvað þarf að gera og getum jafnvel gert enn betur í grunnatriðum handboltans sem við vorum aðeins að klikka á í leiknum.“Stefán: Í góðum liðum þurfa leikmenn að berjast fyrir mínútum „Já, við vissum ekki hvað við værum að fara út í og við náðum að vinna leikinn með flottri spilamennsku,“ sagði Stefán Arnarson, þjálfari Fram, aðspurður hvort úrslitin hefðu verið betri en hann þorði að vona fyrir leikinn. „Maður vissi lítið um styrkleika andstæðingsins en eftir að þær jöfnuðu í 6-6 náðum við sex mörkum í röð og þá sást getumunurinn á liðunum,“ sagði Stefán sem sagði að það hefði verið erfiðara en oft áður að undirbúa liðið fyrir leikinn. „Það tók okkur smá tíma að lesa þær en eftir að okkur tókst að gera það varð spilamennskan mun betri. Þær komu aðeins með tólf leikmenn og við vorum með sextán og fyrir vikið reyndum við að spila hratt.“ Stefán gat gefið öllum leikmönnum liðsins mínútur enda sigurinn löngu í höfn um miðbik seinni hálfleiks. „Við gerðum marga góða hluti í dag og liðið lék heilt yfir vel. Það eru leikmenn í hópnum sem vilja spila meira en þær fengu fleiri mínútur í dag og þannig er það í góðum liðum. Leikmenn þurfa að berjast fyrir mínútunum.“
Íslenski handboltinn Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti United niðurlægt í Malasíu Enski boltinn Þeir bestu (3. sæti): Sannkallaður Benjamin Button Íslenski boltinn Í beinni: Real Betis - Chelsea | Barist um titil í Póllandi Fótbolti Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ Sjá meira