Segir að frumvarp um stöðugleikaskatt verði ekki samþykkt óbreytt

„Ég held að frumvörpin geti aldrei orðið óbreytt að lögum eins og þau líta út í dag,“ segir Eva Helgadóttir, formaður slitastjórnar Byrs, um frumvörp um stöðugleikaskatt og uppgjör fjármálafyrirtækja sem lögð voru fyrir Alþingi þann í júní.

Eva telur það ekki standast að hvergi sé tekið fram í frumvörpunum hvernig samþykki Seðlabanka Ísland fáist sem sé eitt skilyrða þess að nauðasamningar verði samþykktir.

Í umsögn slitastjórnar Byrs um frumvörpin til efnahags- og viðskiptanefndar Alþingis er bent á að engin kerfisáhætta sé vegna uppgjörs Byrs þar sem eignir Byrs nemi einungis 7 milljörðum króna.

Slitastjórnin leggur til að skattstofn stöðugleikaskatts slitabúanna verði miðaður við eignir umfram sjö milljarða. Slitastjórnin segist áskilja sér rétt til að höfða dómsmál verði stöðugleikaskattur lagður á eignir búsins.

Þá sé það ekki algjörlega í höndum Byrs að ljúka nauðasamningum fyrir næstu áramót þar sem Íslandsbanki hafi höfðað dómsmál gegn bankanum sem ekki sé ljóst hvenær niðurstaða fáist í.