Segja ólíklegt að stjórnvöld muni samþykkja tilboð slitabúa

Ólíklegt er að íslensk stjórnvöld muni samþykkja tilboð slitabúa föllnu bankanna um að þau greiði 334 milljarða króna í stöðugleikaframlag. Þessu greinir Bloomberg frá.

Í greininni á Bloomberg segir að þetta sé álit tveggja heimildamanna nátengdum málinu. Þar segir að 334 milljarðar króna, sé hins vegar ófullnægjandi samkvæmt Bloomberg sem miðar við 474 milljarða króna í útreikningi sínum. 

Sigmundur Davíð Gunnlaugsson, forsætisráðherra, hefur sagt að tíminn sé að renna út fyrir slitabúin.  Ef samningar nást ekki munu þau standa frammi fyrir 39% stöðugleikaskatti til greiðslu í ríkissjóð. Talið er að það myndi kosta föllnu bankanna rúmlega 630 milljarða króna, eða tæplega tvöfalt meira en núverandi tilboð.