Man. United í Evrópudeildina en Man. City vann riðilinn | Úrslit kvöldsins í Meistaradeildinni

Það voru ólík hlutskipti hjá Manchester-liðunum í lokaumferð riðlakeppni Meistaradeildarinnar í kvöld en á meðan Manchester City tryggði sér sigur í sínum riðli þá eru nágrannarnir úr Manchester United úr leik.

Manchester United tapaði 3-2 á móti Wolfsburg á sama tíma og PSV Eindhoven vann CSKA Moskva. Þau úrslit þýða að Wolfsburg vann riðilinn og PSV Eindhoven náði öðru sætinu. Manchester United þarf að fara í Evrópudeildina eftir áramót. B-riðillinn var eini riðilinn þar sem voru laus sæti í sextán liða úrslitin.

Cristiano Ronaldo skoraði fernu og fyrsti leikur Kára Árnasonar sem fyrirliði Malmö endaði með 8-0 tapi fyrir Real Madrid á Santiago Bernebau. Paris Saint Germain vann sinn leik en Real Madrid var búið að vinna A-riðilinn.

Atlético Madrid vann 2-1 útisigur á Benfica og tryggði sér sigur í C-riðlinum. Astana komst yfir á móti Galatasaray og var á leiðinni í Evrópudeildina en Tyrkirnir jöfnuðu og tryggðu sér með því þriðja sætið.

Manchester City var 2-1 undir á heimavelli á móti Borussia Mönchengladbach en skoraði þrjú mörk á síðustu tíu mínútum leiksins og tryggði sér þar með 4-2 sigur og sigur í D-riðlinum. Sevilla vann Juventus 1-0 á sama tíma með marki Fernando Llorente en þessi úrslit þýða að Sevilla fer í Evrópudeildina á kostnað Gladbach.



Úrslit og markaskorarar í Meistaradeildinni í kvöld:

A-riðill

Real Madrid - Malmö    8-0

1-0 Karim Benzema (12.), 2-0 Karim Benzema (24.), 3-0 Cristiano Ronaldo (39.), 4-0 Cristiano Ronaldo (47.), 5-0 Cristiano Ronaldo (50.), 6-0 Cristiano Ronaldo (59.), 7-0 Mateo Kovacic (70.), 8-0  Karim Benzema (74.).

Paris Saint-Germain - Shakhtar Donetsk    2-0

1-0 Lucas Moura (57.), 2-0 Zlatan Ibrahimović (86.)

Lokastaða liða: Real 16, PSG 13, Shakhtar 3, Malmö 3.

B-riðill

Wolfsburg - Manchester United    3-2

0-1 Anthony Martial (10.), 1-1 Naldo (13.), 2-1 Vieirinha (29.), 2-2 Sjálfsmark (82.), 3-2 Naldo (84.).

PSV Eindhoven - CSKA Moskva    2-1

0-1 Sergey Ignashevich (76.), 1-1 Luuk de Jong (78.), 2-1 Davy Pröpper (86.)

Lokastaða liða: Wolfsburg 12, PSV 10, United 8, CSKA 4.

C-riðill

Benfica - Atlético Madrid    1-2

0-1 Saúl (33.), 1-1 Luciano Vietto (55.), 1-2  Konstantinos Mitroglou (75.)

Galatasaray - Astana    1-1

0-1 Patrick Twumasi (62.), 1-1 Burak Yilmaz (64.)

Lokastaða liða: Atlético 13, Benfica 10, Galatasaray 5, Astana 4.

D-riðill

Manchester City - Borussia Mönchengladbach    4-2

1-0 David Silva (16.), 1-1 Julian Korb (19.), 1-2 , 2-2 Raheem Sterling (80.), 3-2   Raheem Sterling (81.), 4-2 Wilfried Bony (85.)

Sevilla - Juventus    1-0

1-0 Fernando Llorente (65.).



Lokastaða liða: City 12, Juventus 11, Sevilla 6, Gladbach 5