Sjáið klúður Stólanna og sigurkörfu Hauks í fyrsta heimaleiknum| Myndband

Það voru dramatískar lokasekúndurnar í kvöld þegar Njarðvíkingar slógu Tindastólsmenn út út 32 liða úrslitum Poweradebikars karla í körfubolta.

Haukur Helgi Pálsson, sem var að spila sinn fyrsta heimaleik með Njarðvík, skoraði sigurkörfuna með þriggja stiga skoti rétt fyrir leikslok.

Haukur Helgi skoraði alls 20 stig og það er ljóst að hann er strax byrjaður að hafa mikil áhrif á tímabilið hjá Njarðvíkingum.

Stólarnir fengu sókn til þess að tryggja sér sigur og sæti í sextán liða úrslitunum en hún gekk mjög illa og endaði með loftbolta.

Logi Gunnarsson náði frákastinu, keyrði upp völlinn og gaf á galopinn Hauk Helga Pálsson sem tryggði Njarðvík sigurinn.

Hér fyrir ofan má sjá þessar síðustu 22 sekúndur leiksins í Ljónagryfjunni þegar úrslitin réðust.