Bjarni Ármannsson fær að kaupa Ellingsen

Sjávarsýn, félag í eigu Bjarna Ármannssonar, hefur fengið leyfi frá Samkeppniseftirlitinu til að kaupa allt hlutafé í Ellingsen. Samkeppniseftirlitinu voru tilkynnt kaupin þann 17. september síðastliðinn. Eftirlitið tilkynnti samrunaaðilum þann 21. september að samrunatilkynningin teldist fullnægjandi. Ellingsen var áður í eigu Olís.

Í ákvörðun Samkeppniseftirlitsins kemur fram að kaupin muni ekki leiða til samþjöppunar á markaði þar segir: „Þá leiðir samruninn ekki til aukinnar samþjöppunar á nokkrum markaði og ekki er ástæða til að ætla annað en að tilgangur fjárfestingarinnar sé fyrst og fremst að tryggja ávöxtun fjármuna."

Hér má lesa ákvörðunina í heild sinni.