Lífeyrissjóðir hafa ekki sett peninga í fasteignasjóði GAMMA. Þetta segir fulltrúi GAMMA í athugasemd vegna fréttaskýringar um umsvif sjóða félagsins á fasteigna- og leigumarkaði.
Eftir að fréttaskýring fréttastofu um fjárfestingar GAMMA var send út í Íslandi í dag í gær gerði GAMMA athugasemd um að lífeyrissjóðir væru ekki meðal fjárfesta í þeim fjórum sjóðum sem fjárfest hafa í fasteignum á höfuðborgarsvæðinu.
Á vefsíðu fyrirtækisins segir að GAMMA sé með 44 milljarða króna í stýringu fyrir lífeyrissjóði, tryggingafélg, bankastofnanir, fyrirtæki og einstaklinga. Engar nánari upplýsingar eru gefnar um hverjir hafa fjárfest í hvaða sjóðum, en samtals rekur GAMMA 23 mismunandi sjóði.
Engar upplýsingar liggja fyrir um hverjir hafa sett peninga í þessa fasteignasjóði fyrirtækisins.
Lífeyrissjóðir hafa ekki fjárfest í fasteignasjóðum GAMMA
Tengdar fréttir
Telur GAMMA-sjóði hafa jákvæð áhrif á leigumarkaðinn
Forstöðumaður Hagfræðideildar Landsbankans telur að sjóðir á borð við GAMMA hafi ýtt undir fasteignaverð en stutt við leigumarkaðinn.
GAMMA-sjóðirnir teygja sig um alla borg
Fjórir sjóðir undir stjórn GAMMA, með milljarða króna úr að spila, hafa keypt tæplega 500 fasteignir á höfuðborgarsvæðinu.
