Talið er að tæplega þriðjungi allra matvæla á Íslandi sé hent ýmist af verslunum eða heimilum landsins. Krónan hefur í sumar gert tilraun með að bjóða fólki upp á vörur sem eru að renna út á tíma með góðum árangri.

Á sama tíma og stóru hluti mannkyns berst við hungur og fátækt á sér stað mikil sóun á matvælum í hinum vestræna heimi. Á undanförnum árum hefur orðið vart hugarfarsbreytingar og víða hafa jafnvel verslanir verið opnaðar sem sérhæfa sig í að ýmist selja eða útdeila matvælum sem  komin eru á síðasta söludag.

Í byrjun sumars hóf Krónan tilraun með að selja á mjög lágu verði nokkrar vörutegundir í sumum verslana sinna sem annars hefði verið hent. Kristinn Skúlason rekstrarstjóri Krónunnar og Kjarvals er ánægður með viðtökurnar.

„Þetta gengur rosalega vel, jákvæðar undnirtektir og viðskiptavinirnir taka þessu fegins hendi. Þetta eru vörur sem eru annað hvort að renna út eða útrunnar á dagsetningu og í stað þess að henda þeim bjóðum við þær á lágu verði,“ segir Kristinn

Vöruúrvalið er kannski ekki mikið, enn sem komið er, aðallega krukku- eða flöskuvara,  en verðmunurinn er mikill. Algengt verð á þessum vörum er um 50 krónur fyrir krukku af sósu t.d. sem hefði áður kostað nokkur hundruð krónur.

Hvað heldur þú að verslunin á Íslandi sé að farga mikið af vöru sem ef til vill mætti neyta?

„Ætli þetta sé ekki hátt í 20 til 30 prósent af öllu sem hvert heimili neytir sem við hendum og það er svakalegt magn,“ segir Kristinn. En hann verður var við hugarfarsbreytingu hjá almenningi.

Við rákumst til að mynda á Eddu Sigfúsdóttur í Krónunni á Bíldshöfða sem var að kaupa í matinn með manni sínum en þau hjónin reyna að henda ekki mat.

„Já eins litlu og við getum. Nýtum allt upp eins og hægt er,“ sagði Edda og það væri sorglegt hversu miklu magni af mat væri hent. Henni fannst talan sem Kristinn nefndi