Framkvæmdastjóri AGS segir nauðsynlegt að fresta eða fella niður gjalddaga á lánum gríska ríkisins Þorbjörn Þórðarson skrifar 19. júlí 2015 15:15 Christine Lagarde og Euclid Tsakalotos, fjármálaráðherra Grikklands. Vísir/AFP Christine Lagarde, framkvæmdastjóri Alþjóðagjaldeyrissjóðsins, segir að samhliða frekari lánveitingum til gríska ríkisins verði að endurskipuleggja skuldir þess með niðurfellingum eða frestun gjalddaga. Frekari neyðarlán til Grikkja séu óskynsamleg án slíkra aðgerða. Almennt er viðurkennt að skuldastaða gríska ríkisins sé ósjálfbær. Grikkir skulda 320 milljarða evra eða tæplega 180 prósent af vergri landsframleiðslu gríska ríkisins. Alþjóðagjaldeyrissjóðurinn áætlar að þetta hlutfall fari upp í 200 prósent á næstu tveimur árum, að því er fram kemur í Financial Times. Árið 2010, í upphafi evrukrísunnar, stóð hlutfallið í 127 prósentum. Christine Lagarde, framkvæmdastjóri Alþjóðagjaldeyrissjóðsins, sagði við franska fjölmiðla nú um helgina að án skuldaniðurfellingar, eða endurskipulagningar á skuldum, væru frekari neyðarlán til gríska ríkisins ekki skynsamleg. Stöðugleikasjóður evrusvæðsins, European Stability Mechanism, ákvað á föstudag að hefja formlegar viðræður við grísk stjórnvöld um 86 milljarða evra neyðarlán í kjölfar þess að samkomulag náðist milli Grikkja og hinna ríkjanna á evrusvæðinu aðfaranótt mánudags. Í minnisblaði sem birt var í vikunni gagnrýnir Alþjóðagjaldeyrissjóðurinn samkomulagið og þar kemur jafnframt fram að sjóðurinn treysti sér ekki til þess að taka þátt í frekari neyðarlánum til Grikkja án skuldaniðurfellingar. Í minnisblaðinu gagnrýna starfsmenn AGS hin evruríkin og segir að Grikkir verði að fá skuldaniðurfellingu langt umfram það sem hin evruríkin hafi verið tilbúin að íhuga til þessa. Michel Sapin, fjármálaráðherra Frakka, hefur tekið undir með starfsmönnum sjóðsins en þessar athugasemdir hafi ekki fengið neinn hljómgrunn hjá Þjóðverjum, lang öflugasta ríkinu í myntsamstarfinu. Tíminn mun leiða í ljós hvort þetta 86 milljarða evra neyðarlán, sem nú er aðeins talið formsatriði að afgreiða, muni koma Grikkjum úr kreppunni eða hvort þetta sé aðeins frestun þess sem margir telja óumflýjanlegt án myndarlegrar skuldaniðurfellingar, það er útgöngu úr myntsamstarfinu, vegna óviðráðanlegrar og ósjálfbærrar skuldastöðu gríska ríkisins. Mest lesið Segja markaðstorg blóðmjólka fyrirtæki Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Fyrirtæki hvött til að halda upp á daginn í dag og gera sér dagamun Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Há laun og dýr bjór séu vandamál ÁTVR Viðskipti innlent Starfsfólk fær 150 milljónir í hlutabréfum Viðskipti innlent Base parking gjaldþrota Viðskipti innlent Greiðsluáskorun Samstarf Guðmundur tilnefndur til Evrópsku nýsköpunarverðlaunanna 2024 Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira
Christine Lagarde, framkvæmdastjóri Alþjóðagjaldeyrissjóðsins, segir að samhliða frekari lánveitingum til gríska ríkisins verði að endurskipuleggja skuldir þess með niðurfellingum eða frestun gjalddaga. Frekari neyðarlán til Grikkja séu óskynsamleg án slíkra aðgerða. Almennt er viðurkennt að skuldastaða gríska ríkisins sé ósjálfbær. Grikkir skulda 320 milljarða evra eða tæplega 180 prósent af vergri landsframleiðslu gríska ríkisins. Alþjóðagjaldeyrissjóðurinn áætlar að þetta hlutfall fari upp í 200 prósent á næstu tveimur árum, að því er fram kemur í Financial Times. Árið 2010, í upphafi evrukrísunnar, stóð hlutfallið í 127 prósentum. Christine Lagarde, framkvæmdastjóri Alþjóðagjaldeyrissjóðsins, sagði við franska fjölmiðla nú um helgina að án skuldaniðurfellingar, eða endurskipulagningar á skuldum, væru frekari neyðarlán til gríska ríkisins ekki skynsamleg. Stöðugleikasjóður evrusvæðsins, European Stability Mechanism, ákvað á föstudag að hefja formlegar viðræður við grísk stjórnvöld um 86 milljarða evra neyðarlán í kjölfar þess að samkomulag náðist milli Grikkja og hinna ríkjanna á evrusvæðinu aðfaranótt mánudags. Í minnisblaði sem birt var í vikunni gagnrýnir Alþjóðagjaldeyrissjóðurinn samkomulagið og þar kemur jafnframt fram að sjóðurinn treysti sér ekki til þess að taka þátt í frekari neyðarlánum til Grikkja án skuldaniðurfellingar. Í minnisblaðinu gagnrýna starfsmenn AGS hin evruríkin og segir að Grikkir verði að fá skuldaniðurfellingu langt umfram það sem hin evruríkin hafi verið tilbúin að íhuga til þessa. Michel Sapin, fjármálaráðherra Frakka, hefur tekið undir með starfsmönnum sjóðsins en þessar athugasemdir hafi ekki fengið neinn hljómgrunn hjá Þjóðverjum, lang öflugasta ríkinu í myntsamstarfinu. Tíminn mun leiða í ljós hvort þetta 86 milljarða evra neyðarlán, sem nú er aðeins talið formsatriði að afgreiða, muni koma Grikkjum úr kreppunni eða hvort þetta sé aðeins frestun þess sem margir telja óumflýjanlegt án myndarlegrar skuldaniðurfellingar, það er útgöngu úr myntsamstarfinu, vegna óviðráðanlegrar og ósjálfbærrar skuldastöðu gríska ríkisins.
Mest lesið Segja markaðstorg blóðmjólka fyrirtæki Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Fyrirtæki hvött til að halda upp á daginn í dag og gera sér dagamun Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Há laun og dýr bjór séu vandamál ÁTVR Viðskipti innlent Starfsfólk fær 150 milljónir í hlutabréfum Viðskipti innlent Base parking gjaldþrota Viðskipti innlent Greiðsluáskorun Samstarf Guðmundur tilnefndur til Evrópsku nýsköpunarverðlaunanna 2024 Viðskipti innlent Fleiri fréttir Dagar Workplace eru taldir Rauf sátt vegna Max-málsins og gæti átt yfir höfði sér refsimál Apple biðst afsökunar á auglýsingu fyrir nýjan iPad Rannsaka hvort Tesla hafi blekkt neytendur og fjárfesta Taka bóluefni AstraZeneca úr sölu vegna dvínandi eftirspurnar Tekjur Apple drógust saman enn eina ferðina Stofnandi Binance dæmdur fyrir peningaþvætti Sagðir vilja frekar loka TikTok en selja Sækjast eftir fangelsisdómi yfir rafmyntakóngi Mikill samdráttur á hagnaði Tesla Ný kynslóð vélmenna vekur óhug Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Sjá meira