Sársauki við samfarir sigga dögg skrifar 6. maí 2015 11:00 Vísir/Getty Sársauki við kynferðislega örvun, sérstaklega í samförum lims í leggöng, getur hamlað kynferðislegum unaði en ræturnar geta bæði verið líkamlegar og andlegar.Vaginismus er þegar krampi eða þrenging verður við leggangaopið (grindarbotnsvöðvinn) er fólk reynir að stunda samfarir. Þetta gerist oft ósjálfrátt og getur gerst bara með ákveðnum aðila, stundum óháð aðilanum eða alltaf þegar samfarir eru reyndar. Hjá öðrum getur þetta gerst við alla innsetingu í leggöng, einnig tíðartappa eða álfabikar. Þær sem glíma við þetta þjást gjarnan í hljóði því enn er þetta málefni tabú. Það er ögn á huldu hversu margar þjást af þessu en þetta er ekki óalgengt. Sársauki og sviði getur svo fylgt samförunum ef yfir höfuð er hægt að koma limnum inn.Algeng meðferð er að nota misstóra stauta til að kenna grindarbotninum að slaka á við innsetningu. Ef þú glímir við þetta þá er vissara að leita til kvensjúkdómalæknis því þetta er best meðhöndlað í samstarfi við fagaðila sem getur leiðbeint þér vel og örugglega. Þá er mikilvægt að æfa sig fyrst með fingri í sjálfsfróun áður en innsetning lims er reynd til að kanna hvort og hvernig þér gengur að fá eitthvað inn í leggöngin. Ef hvorki sjálfsfróun né notkun tíðartappa gengur þá gæti verið gott að leita til læknis áður en samfarir við lim er reynt. Þó má ekki gleyma að orsökin getur einnig verið andleg svo gjarnan vinna kynfræðingar og læknar saman við að meðhöndla þetta því stautar einir og sér gera ansi takmarkað ef ekki er unnið með andlega þáttinn. Heilsa Mest lesið Skotin flakka milli Enoks og Birgittu: „Settu franskarnar í pokann“ Lífið Krakkatían: Mona Lisa, VÆB og Þjóðhátíð Lífið Segja Freddie Mercury eiga laundóttur Lífið Gellur fjölmenntu í sumarpartý Ingu Lindar Lífið Ósérhlífinn starfsmaður bjargaði ómvölum frá endurvinnslu Lífið Sinnir sjúklingum í sama herbergi og hún fékk greiningu Lífið Var hent í ljónagryfjuna þegar hann fór inn á Vog Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Eva Laufey og Haraldur selja húsið á Skaganum Lífið Gimbur borin með svart hjarta á bakinu Lífið
Sársauki við kynferðislega örvun, sérstaklega í samförum lims í leggöng, getur hamlað kynferðislegum unaði en ræturnar geta bæði verið líkamlegar og andlegar.Vaginismus er þegar krampi eða þrenging verður við leggangaopið (grindarbotnsvöðvinn) er fólk reynir að stunda samfarir. Þetta gerist oft ósjálfrátt og getur gerst bara með ákveðnum aðila, stundum óháð aðilanum eða alltaf þegar samfarir eru reyndar. Hjá öðrum getur þetta gerst við alla innsetingu í leggöng, einnig tíðartappa eða álfabikar. Þær sem glíma við þetta þjást gjarnan í hljóði því enn er þetta málefni tabú. Það er ögn á huldu hversu margar þjást af þessu en þetta er ekki óalgengt. Sársauki og sviði getur svo fylgt samförunum ef yfir höfuð er hægt að koma limnum inn.Algeng meðferð er að nota misstóra stauta til að kenna grindarbotninum að slaka á við innsetningu. Ef þú glímir við þetta þá er vissara að leita til kvensjúkdómalæknis því þetta er best meðhöndlað í samstarfi við fagaðila sem getur leiðbeint þér vel og örugglega. Þá er mikilvægt að æfa sig fyrst með fingri í sjálfsfróun áður en innsetning lims er reynd til að kanna hvort og hvernig þér gengur að fá eitthvað inn í leggöngin. Ef hvorki sjálfsfróun né notkun tíðartappa gengur þá gæti verið gott að leita til læknis áður en samfarir við lim er reynt. Þó má ekki gleyma að orsökin getur einnig verið andleg svo gjarnan vinna kynfræðingar og læknar saman við að meðhöndla þetta því stautar einir og sér gera ansi takmarkað ef ekki er unnið með andlega þáttinn.
Heilsa Mest lesið Skotin flakka milli Enoks og Birgittu: „Settu franskarnar í pokann“ Lífið Krakkatían: Mona Lisa, VÆB og Þjóðhátíð Lífið Segja Freddie Mercury eiga laundóttur Lífið Gellur fjölmenntu í sumarpartý Ingu Lindar Lífið Ósérhlífinn starfsmaður bjargaði ómvölum frá endurvinnslu Lífið Sinnir sjúklingum í sama herbergi og hún fékk greiningu Lífið Var hent í ljónagryfjuna þegar hann fór inn á Vog Lífið Frumsýning á Cannes og gullhamrar Bill Murray: „Nú er ég búin að toppa mig algjörlega“ Lífið Eva Laufey og Haraldur selja húsið á Skaganum Lífið Gimbur borin með svart hjarta á bakinu Lífið