Íslenskar löggur minna Ashton Kutcher á Police Academy

Bandaríski leikarinn Ashton Kutcher virðist fylgjast vel með íslensku lögreglunni ef marka má færslu hans á samskiptamiðlinum Facebook.

Þar deilir hann frétt frá miðlinum Aplus.com sem fjallar um lögregluna á höfuðborgarsvæðinu og hvernig hún fer óvenjulegar leiðir á samskiptamiðlum. Lögreglan á Íslandi hefur áður vakið heimsathygli fyrir uppátæki sín á samskiptamiðlum.

Sjá einnig: Lögreglan á höfuðborgarsvæðinu höfðar til heimsins

Í færslu Kutcher talar hann um að lögreglan á Íslandi minni óneitanlega á gömlu og góðu gamanmyndirnar Police Academy. Myndirnar nutu mikilla vinsælda á sínum tíma og urðu þær sjö talsins að lokum.

150.000 manns eru að elta lögregluna á höfuðborgarsvæðinu á samskiptamiðlinum Instagram.

This is like police academy.

Posted by Ashton Kutcher on 12. apríl 2015