Viðskipti innlent

Olíuleitin hagstæðari vegna verðfalls á olíu

Kristján Már Unnarsson skrifar

Enginn bilbugur er á sérleyfishöfum á Drekasvæðinu, þótt olíuverð hafi hrapað um helming. Talsmaður Eykons segir þvert á móti að nú verði olíuleitin ákjósanlegri og tilkostnaður töluvert lægri.

Þegar sérleyfunum var úthlutað var olíuverðið í kringum hundrað bandaríkjadollarar á tunnuna en síðustu daga hefur það verið í kringum fimmtíu dollara. Eykon Energy er aðili að báðum þeim leyfum sem eru í gildi og Gunnlaugur Jónsson, framkvæmdastjóri félagsins, segir verðfallið ekki hafa dregið úr áhuganum. Það sé enn stefnt á endurvarpsmælingar næsta sumar og verið að undirbúa að leita tilboða í verkefnið.

Í viðtali í fréttum Stöðvar 2 segir Gunnlaugur að með lægra olíuverði minnki kostnaður verulega. Meira framboð sé af skipum af því tagi sem geti framkvæmt slíkar mælingar.

„Þannig að við erum bjartsýnir á að okkur takist að framkvæma þessar mælingar með töluvert lægri tilkostnaði en við gerðum ráð fyrir,“ segir Gunnlaugur. Hann segir enga ástæðu til að ætla að þeir hætti við Drekasvæðið, hann myndi fremur telja það vera á hinn veginn, að það sé ákjósanlegra að halda leitinni áfram.

Olíurannsóknaskipið Nordic Explorer, ásamt þremur fylgdarskipum, sótti þjónustu til Akureyrar sumarið 2012, vegna rannsókna á Drekasvæðinu. Mynd/N4

Hann bendir á að ef olía finnist séu mörg ár í að vinnsla hefjist og engin leið sé að spá hvaða verð fáist þá fyrir olíuna. Það sé eins og að reyna að spá fyrir um hvernig veðrið verði eftir tíu ár. 

En hvað þyrfti verðið að vera hátt til að olíuvinnsla borgaði sig á Drekasvæðinu? Gunnlaugur segir svarið ráðast af því hversu stórar lindir finnist, finnist þær á annað borð. 

„Við erum að leita að stórum lindum. Við teljum að við gætum rekið þetta með hagnaði jafnvel niður í 60 dollara olíuverð, ef við finnum stórar lindir,“ segir Gunnlaugur. 


Tengdar fréttir

Kínverjar mættir til að hefja olíuleitina

Leyfishafar á Drekasvæðinu undir forystu kínverska félagsins CNOOC ákváðu á fundi í dag að hraðar yrði farið af stað í olíuleitina en áætlanir gerðu ráð fyrir.

CNOOC vill flýta borun í Drekann

Fulltrúar kínverska olíufélagsins CNOOC kynntu samstarfsaðilum sínum í dag verkáætlun sem miðar við að boranir hefjist á Drekasvæðinu mun fyrr en áður var gert ráð fyrir.

Félag stofnað um olíuhöfn Drekans

"Við höfum þegar hafið vinnu við stofnun félags með heimamönnum til að halda utan um starfsemina,“ segir Haukur Óskarsson, stjórnarmaður í Eykon Energy og framkvæmdastjóri iðnaðar hjá Mannviti, í yfirlýsingu vegna þeirrar ákörðunar að velja iðnaðarhöfnina á Reyðarfirði sem þjónustuhöfn Drekasvæðis.

Reyðarfjörður valinn sem olíubær Íslands

Eykon Energy hefur valið Reyðarfjörð sem þjónustumiðstöð fyrir bæði olíuleit og olíuvinnslu á Drekasvæðinu. Formaður bæjarráðs Fjarðabyggðar segir þetta skapa gríðarleg tækifæri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REGINN
1,95
13
154.180
KVIKA
0,79
3
26.427
SIMINN
0,56
3
33.788
MAREL
0,54
25
675.501
SKEL
0,25
3
5.182

Mesta lækkun dagsins


Félag
Br.%
Fjöldi
Velta*
EIK
-2,88
17
153.220
SJOVA
-2,54
8
107.416
TM
-2,48
6
95.263
VIS
-2,35
1
12.050
ICEAIR
-1,32
38
108.834
Velkomin á Vísi. Þessi vefur notar vafrakökur. Sjá nánar.