Þurfti að útskýra ásakanir um kynferðisleg SMS til táningsstelpna fyrir tengdó Kolbeinn Tumi Daðason skrifar 26. maí 2015 11:45 Um eitt þúsund manns búa á Eskifirði. Vísir/Pjetur „Hann er að ýja að því að ég sé að senda unglingum kynferðisleg skilaboð. Þetta er með ólíkindum, að maðurinn skuli leyfa sér að skrifa þetta á opinberum vettvangi,“ segir lögreglumaðurinn Þór Þórðarson á Eskifirði. Vísar hann til Facebook-færslu Emils K. Thorarensen, íbúa á Eskifirði, sem orðin er að meiðyrðamáli sem tekið var til meðferðar í Héraðsdómi Austurlands fyrir helgi. Ríkissaksóknari sækir málið gegn Emil. Færsluna ritaði Emil í maí 2013 en hann segir sjálfur frá því að um opið bréf til sýslumannsins á Eskifirði hafi verið að ræða. Í færslunni sakaði Emil lögreglumanninn um að leggja sig og son sinn í einelti auk þess að hafa sent „táningum og unglingsstelpum kynferðisleg skilaboð og jafnframt boðið þeim upp á „afslátt“ gegn ???,“ eins og sagði orðrétt í færslu Emils sem var opin og því öllum aðgengileg. Blaðamaður Austurfréttar sat aðalmeðferðina í málinu og fjallar ítarlega um málið, bæði út frá sjónarhorni Emils og Þórs lögreglumanns.Óþægilegar augngotur Emil var beðinn um að lýsa eineltinu í sinn garð. Tengdust þau því sem hann taldi óeðlileg afskipti. Bíll hans væri stöðvaður auk þess sem honum þætti Þór leggja lögreglubílnum ótt og títt við hlið bíls Emils. „Ef hann var að fara í ræktina þá lagði hann bílnum sínum við hliðina á mínum bíl, þó tugir auðra stæða væru á svæðinu.“ Þá fannst Emil lögreglumaðurinn oft aka framhjá húsi sínu og horfa inn um gluggann. Sérstaklega í kjölfar þess að Emil skrifaði umrædda færslu á Facebook. Eineltið í garð sonar Emils sneri að handtöku sem hann mundi þó óljóst eftir. Þá voru taldar til óþægilegar augngotur á golfvelli fyrir austan og víðar. Í eitt skipti hafi lögreglumaðurinn spurt Emil fyrir utan pósthúsið á Eskifirði hvort hann væri að „senda dóp“ með póstinum.Táningar í augum sextugs manns Einn hluti ákærunnar snýr að ummælum Emils þess efnis að lögreglumaðurinn hafi haft óviðeigandi kynferðisleg samskipti við „táninga og unglingsstúlkur“. Emil hafði heyrt af þessu frá syni sínum og nafna sem hafði eftir vinkonu sinni að Þór hefði reynt að kyssa sig í fangaklefa. Í framhaldinu hefði hann sent skilaboð og reynt við hana. Í umfjöllun Austufrétta segir að töluvert fát hafi komið á Emil þegar hann var beðinn um að útskýra nánar hvað hann átti við með skrifum um samskipti Þórs við táninga og unglingsstúlkur. Hann hafi ekki átt við almenna skilgreiningu þeirra orða heldur væru allar konur undir þrítugu ungar og fallegar, hann væri orðinn rúmlega sextugur.Þurfti að útskýra málið fyrir tengdó Þór lýsti því hvaða áhrif færslan á Facebook hefði haft á fjölskyldu sína og sig. „Ég tók þessu mjög illa og fjölskylda mín líka. Þetta náttúrulega vegur að starfsheiðri mínum sem lögreglumaður. Kona mín átti erfiða daga eftir þetta. Í hvert skipti sem þetta hefur komið upp hefur það reynt mjög á okkar fjölskyldulíf,“ sagði Þór. Hann hafnaði alfarið ásökunum feðganna um einelti. Það er hans mat að hann hafi alls ekki oft þurft að hafa afskipti af Emil eldri í starfi sínu þó það hafi komið fyrir. Ekkert ætti þó að gefa Emil tilefni til að ráðast á persónu hans á opinberum vettvangi. Þór var sérstaklega ósáttur við skrifin um skilaboð til táninga og unglingsstelpna. Sagði hann að umfjöllun hefði verið mikil í fjölmiðlum í kjölfar færslunnar, myndir birst í fjölmiðlum af heimili þeirra. „Tengdaforeldrar mínir vissu ekki sitt rjúkandi ráð,“ sagði Þór. Hann hefði þurft að útskýra sín mál gagnvart þeim og verja æru sína.Engar formlegar kvartanir Lögreglumaðurinn sagði fólk alltaf tilbúið að níða skóinn af sér og og kollegum sínum. Ekki síst í minni samfélögum líkt og Eskifirði. Þar verði allt persónulegt. Lögreglumaðurinn sé ekki lögreglumaður heldur Þór. Yfirmaður hans, Jónas Vilhelmsson, tók undir orð Þórs. „Ég hef heyrt allskyns kjaftasögur, um Þór Þórðarson, sjálfan mig, son minn, mömmu mína og svo framvegis,“ sagði Jónas og bætti við að fleiri lögregluþjónar hefðu verið sakaðir um einelti. Engar formlegar kvartanir hefðu borist vegna framkomu Þórs í starfi. Emil heldur áfram skrifum sínum á Facebook og gerir upp aðalmeðferðina sjálfur á Facebook-síðu sinni eins og sjá má hér að neðan.Deginum í gær eyddi ég í Hérðasdómi Austurlannds, við oipinber réttarhöld, á Egilsstöðum vegna ákæru Ríkissaksóknara á...Posted by Emil Thorarensen on Friday, May 22, 2015 Mest lesið „Þetta var bara eins og hryðjuverk“ Innlent Hver er þessi 28 ára maður sem gæti orðið forsætisráðherra Frakka? Erlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Stútfull hátíðardagskrá um allt land á 17. júní Innlent Neita að borga tjón eftir að hafa mokað snjó yfir bíl Innlent Parísarhjól sprettur upp við höfnina Innlent Oddviti Garðarbæjarlistans hættir í Samfylkingunni Innlent Fleiri fréttir „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Sjá meira
„Hann er að ýja að því að ég sé að senda unglingum kynferðisleg skilaboð. Þetta er með ólíkindum, að maðurinn skuli leyfa sér að skrifa þetta á opinberum vettvangi,“ segir lögreglumaðurinn Þór Þórðarson á Eskifirði. Vísar hann til Facebook-færslu Emils K. Thorarensen, íbúa á Eskifirði, sem orðin er að meiðyrðamáli sem tekið var til meðferðar í Héraðsdómi Austurlands fyrir helgi. Ríkissaksóknari sækir málið gegn Emil. Færsluna ritaði Emil í maí 2013 en hann segir sjálfur frá því að um opið bréf til sýslumannsins á Eskifirði hafi verið að ræða. Í færslunni sakaði Emil lögreglumanninn um að leggja sig og son sinn í einelti auk þess að hafa sent „táningum og unglingsstelpum kynferðisleg skilaboð og jafnframt boðið þeim upp á „afslátt“ gegn ???,“ eins og sagði orðrétt í færslu Emils sem var opin og því öllum aðgengileg. Blaðamaður Austurfréttar sat aðalmeðferðina í málinu og fjallar ítarlega um málið, bæði út frá sjónarhorni Emils og Þórs lögreglumanns.Óþægilegar augngotur Emil var beðinn um að lýsa eineltinu í sinn garð. Tengdust þau því sem hann taldi óeðlileg afskipti. Bíll hans væri stöðvaður auk þess sem honum þætti Þór leggja lögreglubílnum ótt og títt við hlið bíls Emils. „Ef hann var að fara í ræktina þá lagði hann bílnum sínum við hliðina á mínum bíl, þó tugir auðra stæða væru á svæðinu.“ Þá fannst Emil lögreglumaðurinn oft aka framhjá húsi sínu og horfa inn um gluggann. Sérstaklega í kjölfar þess að Emil skrifaði umrædda færslu á Facebook. Eineltið í garð sonar Emils sneri að handtöku sem hann mundi þó óljóst eftir. Þá voru taldar til óþægilegar augngotur á golfvelli fyrir austan og víðar. Í eitt skipti hafi lögreglumaðurinn spurt Emil fyrir utan pósthúsið á Eskifirði hvort hann væri að „senda dóp“ með póstinum.Táningar í augum sextugs manns Einn hluti ákærunnar snýr að ummælum Emils þess efnis að lögreglumaðurinn hafi haft óviðeigandi kynferðisleg samskipti við „táninga og unglingsstúlkur“. Emil hafði heyrt af þessu frá syni sínum og nafna sem hafði eftir vinkonu sinni að Þór hefði reynt að kyssa sig í fangaklefa. Í framhaldinu hefði hann sent skilaboð og reynt við hana. Í umfjöllun Austufrétta segir að töluvert fát hafi komið á Emil þegar hann var beðinn um að útskýra nánar hvað hann átti við með skrifum um samskipti Þórs við táninga og unglingsstúlkur. Hann hafi ekki átt við almenna skilgreiningu þeirra orða heldur væru allar konur undir þrítugu ungar og fallegar, hann væri orðinn rúmlega sextugur.Þurfti að útskýra málið fyrir tengdó Þór lýsti því hvaða áhrif færslan á Facebook hefði haft á fjölskyldu sína og sig. „Ég tók þessu mjög illa og fjölskylda mín líka. Þetta náttúrulega vegur að starfsheiðri mínum sem lögreglumaður. Kona mín átti erfiða daga eftir þetta. Í hvert skipti sem þetta hefur komið upp hefur það reynt mjög á okkar fjölskyldulíf,“ sagði Þór. Hann hafnaði alfarið ásökunum feðganna um einelti. Það er hans mat að hann hafi alls ekki oft þurft að hafa afskipti af Emil eldri í starfi sínu þó það hafi komið fyrir. Ekkert ætti þó að gefa Emil tilefni til að ráðast á persónu hans á opinberum vettvangi. Þór var sérstaklega ósáttur við skrifin um skilaboð til táninga og unglingsstelpna. Sagði hann að umfjöllun hefði verið mikil í fjölmiðlum í kjölfar færslunnar, myndir birst í fjölmiðlum af heimili þeirra. „Tengdaforeldrar mínir vissu ekki sitt rjúkandi ráð,“ sagði Þór. Hann hefði þurft að útskýra sín mál gagnvart þeim og verja æru sína.Engar formlegar kvartanir Lögreglumaðurinn sagði fólk alltaf tilbúið að níða skóinn af sér og og kollegum sínum. Ekki síst í minni samfélögum líkt og Eskifirði. Þar verði allt persónulegt. Lögreglumaðurinn sé ekki lögreglumaður heldur Þór. Yfirmaður hans, Jónas Vilhelmsson, tók undir orð Þórs. „Ég hef heyrt allskyns kjaftasögur, um Þór Þórðarson, sjálfan mig, son minn, mömmu mína og svo framvegis,“ sagði Jónas og bætti við að fleiri lögregluþjónar hefðu verið sakaðir um einelti. Engar formlegar kvartanir hefðu borist vegna framkomu Þórs í starfi. Emil heldur áfram skrifum sínum á Facebook og gerir upp aðalmeðferðina sjálfur á Facebook-síðu sinni eins og sjá má hér að neðan.Deginum í gær eyddi ég í Hérðasdómi Austurlannds, við oipinber réttarhöld, á Egilsstöðum vegna ákæru Ríkissaksóknara á...Posted by Emil Thorarensen on Friday, May 22, 2015
Mest lesið „Þetta var bara eins og hryðjuverk“ Innlent Hver er þessi 28 ára maður sem gæti orðið forsætisráðherra Frakka? Erlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Stútfull hátíðardagskrá um allt land á 17. júní Innlent Neita að borga tjón eftir að hafa mokað snjó yfir bíl Innlent Parísarhjól sprettur upp við höfnina Innlent Oddviti Garðarbæjarlistans hættir í Samfylkingunni Innlent Fleiri fréttir „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Sjá meira