Skattaskjólsgögnin: Tímalína

Skattrannsóknarstjóri hefur ákveðið að kaupa skattaskjólsgögn sem huldumaður hefur boðið íslenskum stjórnvöldum fyrir 150 milljónir króna. Aðdragandinn að ákvörðuninni hefur verið langur en Bryndís Kristjánsdóttir skattrannsóknarstjóri kynnti Bjarna Benediktssyni, fjármála- og efnahagsráðherra, hugmyndir um að kaupa gögnin síðastliðið sumar. Þá hafði embættið verið með málið í skoðun í nokkurn tíma.



Stór orð hafa fallið í aðdraganda ákvörðunarinnar og hefur Bjarni meðal annars verið sakaður um frændhygli og að vilja ekki kaupa gögnin sökum fjölskyldutengsla. Sjálfur hafnaði hann því alfarið en upplýst var um það í dag að hann hafi gefið grænt ljós á kaup á gögnunum. Bjarni gagnrýndi einnig embætti skattrannsóknarstjóra fyrir að hafa verið með málið of lengi á borði hjá sér án þess að taka ákvörðun.



Vísir hefur tekið saman helstu atburði í málinu. Hægt er að skoða atburðarásina á gagnvirkri tímalínu hér fyrir neðan.