Sögulegt tímabil hjá Portland

Portland Trailblazers er formlega komið með sæti í úrslitakeppninni og næst á dagskrá hjá liðinu er að vinna Norðvestur-riðilinn.

Þann riðil hefur Portland ekki unnið síðan 2009 en þá var liðið jafnt Denver Nuggets. Portland var síðast eitt á toppnum í þeim riðli árið 1992.

Damian Lillard skoraði 19 stig í nótt og LaMarcus Aldridge bætti 17 stigum við. Portland valtaði þá yfir Phoenix og gat leyfst sér að hvíla byrjunarliðið í lokaleikhlutanum.

Suns er búið að tapa fjórum leikjum i röð og þó svo liðið eigi enn tölfræðilega möguleika á sæti í úrslitakeppninni þá eru líkurnar takmarkaðar.

Úrslit:

Charlotte-Boston  104-116

Philadelphia-LA Lakers  111-113

Atlanta-Milwaukee  101-88

Toronto-Houston  99-96

Memphis-Sacramento  97-83

Minnesota-Utah  84-104

Portland-Phoenix  109-86

Staðan í NBA-deildinni.