Sigrar hjá HK, ÍBV og Stjörnunni

Þremur leikjum er lokið í Olís-deild kvenna í handbolta.

Í Digranesinu bar HK sigurorð af KA/Þór með fjögurra marka mun, 29-25. Munurinn var einnig fjögur mörk í leikhléi, 17-13. HK er með átta stig um miðja deild, en KA/Þór er enn í næstneðsta sæti með aðeins tvö stig.

Sigríður Hauksdóttir var markahæst í liði HK með sjö mörk, en Emma Havin Sardardóttir kom næst með fimm. Katrín Vilhjálmsdóttir skoraði mest fyrir gestina, eða sjö mörk.

Markaskorarar HK:

Sigríður Hauksdóttir 7, Emma Havin Sardardóttir 5, Sóley Ívarsdóttir 4, Fanney Þóra Þórsdóttir 3, Gerður Arinbjarnar 3, Eva Hrund Harðardóttir 3, Hulda Bryndís Tryggvadóttir 2, Aníta Björk Bárðardóttir 1, Heiðrún Björk Helgadóttir 1.

Markaskorarar KA/Þórs:

Katrín Vilhjálmsdóttir 7, Paula Chirila 6, Martha Hermannsdóttir 5, Birta Fönn Sveinsdóttir 3, Arna Kristín Einarsdóttir 1, Steinunn Guðjónsdóttir 1, Laufey Lára Höskuldsdóttir 1, Erla Heiður Tryggvadóttir 1.

Eyjakonur gerðu góða ferð í Árbæinn og unnu fjögurra marka sigur á Fylki, 29-33. Staðan var 14-19 í hálfleik. Með sigrinum komst ÍBV upp að hlið Gróttu í öðru sæti deildarinnar, en bæði lið eru með 14 stig.

Vera Lopes var öflugt í liði ÍBV og skoraði níu mörk, en Kristrún Ósk Hlynsdóttir kom næst með sjö mörk. Patricia Szölösi skoraði átta mörk fyrir Fylki sem er enn með sex stig.

Markaskorarar Fylkis:

Patricia Szölösi 8, Kristjana Björk Steinarsdóttir 5, Thea Imani Sturludóttir 4, Rebekka Friðriksdóttir 3, Ólöf Kristín Þorsteinsdóttir 3, Hildur Björnsdóttir 2, Hafdís Sizuka Iura 2, Sigrún Birna Arnardóttir 2.

Markaskorarar ÍBV:

Vera Lopes 9, Kristrún Ósk Hlynsdóttir 7, Jóna Sigríður Halldórsdóttir 6, Telma Amado 6, Díana Dögg Magnúsdóttir 3, Drífa Þorvaldsdóttir 2.

Þá vann Stjarnan öruggan sigur á Selfossi í Garðabænum, 29-20, eftir að staðan hafði verið jöfn í hálfleik, 11-11.

Helena Rut Örvarsdóttir og Sólveig Lára Kjærnested skoruðu sex mörk hvor fyrir Stjörnuna, en Hrafnhildur Hanna Þrastardóttir var markahæst Selfosskvenna með átta mörk.

Stjarnan situr enn í 4. sæti með 12 stig, en Selfoss er með sjö stig um miðja deild.

Markaskorarar Stjörnunnar:

Helena Rut Örvarsdóttir 6, Sólveig Lára Kjærnested 6, Sandra Sif Sigurjónsdóttir 4, Stefanía Theodórsdóttir 4, Guðrún Erla Bjarnadóttir 3, Esther Viktoría Ragnarsdóttir 2, Arna Björk Almarsdóttir, Kristín Viðarsdóttir Scheving 1, Guðrún Hanna stefánsdóttir 1, Þórhildur Gunnarsdóttir 1.

Markaskorarar Selfoss:

Hrafnhildur Hanna Þrastardóttir 8, Thelma Sif Kristjánsdóttir 4, Þuríður Guðjónsdóttir 2, Carmen Palamariu 2, Margrét Katrín Jónsdóttir 2, Kristrún Steinþórsdóttir 1, Perla Ruth Albertsdóttir 1.