Áhrif lýtalækninga á heila og líkama

Lýtaaðgerðir eru margskonar og misflóknar.

Oftar en ekki hafa einstaklingar sterkar skoðanir á lýtaaðgerðum og hvað þeim þykir í lagi. Það þykir „sjálfsagt“ að laga útstæð eyru en „fáránlegt“ að laga útstæða skapabarma. Það er ekkert eitt rétt frekar en annað heldur skiptir máli að þekkja ástæður einstaklinga. 

Þegar rætt er um lýtaaðgerðir er ágætt að kynna sér flestar hliðar málsins því þegar það kemur að líkamanum og sálinni þá eru málin sjaldnast einföld. Líkaminn getur aldrei verið aðskilinn frá heilanum og því er áhugavert að velta þessu samspili fyrir sér því sumir telja að ef líkaminn er lagaður þá lagist sálin en svo er ekki alltaf raunin.

Þessi heimildarþáttur lýsir því hvað gerist í líkamanum og heilanum er við göngumst undir hinar ýmsu lýtaaðgerðir.