Cara í klípu vegna húðflúranna

Ofurfyrirsætan Cara Delevingne lenti í útistöðum við módelskrifstofu sína á dögunum þegar yfirmenn þar á bæ bentu fyrirsætunni á að ef hún myndi stöðugt halda áfram að bæta nýjum húðflúrum í safnið ætti hún í hættu á því að missa verkefni í fyrirsætuheiminum.

Heimildamaður sagði við dagblaðið Daily Mirror að Cara væri án efa húðflúraðasta ofurmódelið í heiminum í dag en hún er með fjórtán húðflúr.

„Þetta er ekki beint það sem heillar á sýningarpöllunum. Sérstaklega ekki þegar verið er að sýna léttan sumarfatnað eða undirföt,“ sagði heimildamaðurinn jafnframt. 

Cara benti yfirmönnum sínum á að í dag væri léttilega hægt að farða yfir húðflúrin og því ættu þau ekki að hafa nein áhrif á feril hennar.