Fékk gæsahúð þegar fyrsta markið kom Eiríkur Stefán Ásgeirsson skrifar 5. desember 2014 06:00 Þórey og Þórey. Nöfnurnar spila báðar í hægra horninu fyrir íslenska landsliðið. fréttablaðið/stefán Hornamaðurinn Þórey Anna Ásgeirsdóttir hefur vakið verðskuldaða athygli fyrir frammistöðu sína með íslenska landsliðinu í síðustu leikjum. Hún var valin í hópinn í fyrsta sinn fyrir leiki liðsins í forkeppni HM 2015 og hefur nýtt þær mínútur sem hún hefur fengið vel. Hún skoraði þrjú mörk í leikjunum gegn Ítalíu og Makedóníu og getur enn bætt við árangurinn þegar Ísland mætir Makedóníu ytra á morgun. „Það hefur verið ótrúlega gaman að koma inn í landsliðshópinn enda stelpurnar skemmtilegar,“ segir Þórey Anna í samtali við Fréttablaðið. „Það kom mér mjög á óvart þegar ég fékk símtalið og mér var tilkynnt að ég hefði verið valin í landsliðið – ég reiknaði ekki með því að það myndi gerast fyrr en eftir 1-2 ár í fyrsta lagi,“ segir hún og bætir við að það hafi verið ólýsanleg tilfinning að klæðast landsliðstreyjunni. „Ég fékk gæsahúð þegar ég skoraði svo fyrsta markið og ætlaði ekki að trúa eigin augum,“ segir hún og brosir.Skoraði fjórtán mörk í bæjarslag Þórey Anna er uppalinn FH-ingur og vakti mikla athygli í ársbyrjun 2013 er hún skoraði fjórtán mörk í naumum sigri liðsins á erkifjendunum í Haukum, 31-30. Hún var þá nýorðin fimmtán ára gömul. Það sem meira er – móðir hennar, Gunnur Sveinsdóttir, var einnig á skýrslu FH í leiknum en hún var þá 32 ára. Gunnur sagði í viðtali við Fréttablaðið stuttu síðar að þær væru ólíkar sem leikmenn. „Hún er örvhent og ég er rétthent. En hún er miklu betri en ég,“ sagði hún þá. Þórey Anna kláraði grunnskólapróf um vorið og hélt þá utan til Noregs þar sem hún er nú að verða hálfnuð með nám í íþróttaframhaldsskóla. Einnig spilar hún með Rælingen í norsku B-deildinni, þar sem hún hefur vakið eftirtekt norsku úrvalsdeildarliðanna.Sterkari og fljótari „Það er eitthvað verið að kíkja á mann en ekkert meira en það,“ segir hún hógvær. „Ég ætla að klára skólann fyrst og svo sé ég til hvað ég geri.“ Hún segir að sér líki vistin vel í Noregi. „Það hefur verið mjög gaman og góð reynsla fyrir mig. Ég er í góðum skóla og tel að ég hafi bætt mig mikið sem leikmaður – er sterkari, fljótari og betri í handbolta,“ segir hún en Þórey Anna byrjar daginn á því að fara á æfingu í skólanum áður en hún sinnir náminu. Eftir skóladaginn þarf hún svo að fara með lest í einn og hálfan tíma til að mæta á æfingu hjá Rælingen. „Ég geri ýmislegt til að drepa tímann – læri, les eða hlusta á tónlist. Þetta bara fylgir,“ segir Þórey Anna sem býr í íbúð ásamt tveimur skólasystrum sínum. „Það gengur ágætlega – oftast,“ segir hún og hlær. Þórey ætlar að halda námi áfram eftir útskrift. „Það er alveg klárt að ég ætla að vera í háskóla samhliða handboltanum en það er óákveðið hvar. Ég er að reyna að gera upp hug minn í því en það gengur mjög illa,“ segir hún í léttum dúr.Er svolítið eins og systir mín Þórey Rósa Stefánsdóttir er byrjunarliðsmaður í hægra horni íslenska landsliðsins en hefur deilt stöðunni með nöfnu sinni, Þóreyju Önnu, í síðustu leikjum. „Það er auðvitað gott að hafa samkeppni en það er líka gott að vinna með henni. Við vorum herbergisfélagar í síðustu ferð og hún er svolítið eins og litla systir mín,“ segir hún og brosir. „Hún er spennandi leikmaður og það er líka gott að vinna með henni. Hún er afar ákveðin, þorir að fara í sín færi og í ákveðnar hreyfingar. Hún er ekkert að halda aftur af sér og það er ekki gefið þegar maður er að koma inn í sín fyrstu landsliðsverkefni sautján ára gömul,“ segir hún. „Það er gott að vita að staðan verði í góðum höndum þegar ég hætti – en ekki alveg strax,“ segir hún og hlær. Íslenski handboltinn Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn United niðurlægt í Malasíu Enski boltinn Í beinni: Real Betis - Chelsea | Barist um titil í Póllandi Fótbolti Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ Sjá meira
Hornamaðurinn Þórey Anna Ásgeirsdóttir hefur vakið verðskuldaða athygli fyrir frammistöðu sína með íslenska landsliðinu í síðustu leikjum. Hún var valin í hópinn í fyrsta sinn fyrir leiki liðsins í forkeppni HM 2015 og hefur nýtt þær mínútur sem hún hefur fengið vel. Hún skoraði þrjú mörk í leikjunum gegn Ítalíu og Makedóníu og getur enn bætt við árangurinn þegar Ísland mætir Makedóníu ytra á morgun. „Það hefur verið ótrúlega gaman að koma inn í landsliðshópinn enda stelpurnar skemmtilegar,“ segir Þórey Anna í samtali við Fréttablaðið. „Það kom mér mjög á óvart þegar ég fékk símtalið og mér var tilkynnt að ég hefði verið valin í landsliðið – ég reiknaði ekki með því að það myndi gerast fyrr en eftir 1-2 ár í fyrsta lagi,“ segir hún og bætir við að það hafi verið ólýsanleg tilfinning að klæðast landsliðstreyjunni. „Ég fékk gæsahúð þegar ég skoraði svo fyrsta markið og ætlaði ekki að trúa eigin augum,“ segir hún og brosir.Skoraði fjórtán mörk í bæjarslag Þórey Anna er uppalinn FH-ingur og vakti mikla athygli í ársbyrjun 2013 er hún skoraði fjórtán mörk í naumum sigri liðsins á erkifjendunum í Haukum, 31-30. Hún var þá nýorðin fimmtán ára gömul. Það sem meira er – móðir hennar, Gunnur Sveinsdóttir, var einnig á skýrslu FH í leiknum en hún var þá 32 ára. Gunnur sagði í viðtali við Fréttablaðið stuttu síðar að þær væru ólíkar sem leikmenn. „Hún er örvhent og ég er rétthent. En hún er miklu betri en ég,“ sagði hún þá. Þórey Anna kláraði grunnskólapróf um vorið og hélt þá utan til Noregs þar sem hún er nú að verða hálfnuð með nám í íþróttaframhaldsskóla. Einnig spilar hún með Rælingen í norsku B-deildinni, þar sem hún hefur vakið eftirtekt norsku úrvalsdeildarliðanna.Sterkari og fljótari „Það er eitthvað verið að kíkja á mann en ekkert meira en það,“ segir hún hógvær. „Ég ætla að klára skólann fyrst og svo sé ég til hvað ég geri.“ Hún segir að sér líki vistin vel í Noregi. „Það hefur verið mjög gaman og góð reynsla fyrir mig. Ég er í góðum skóla og tel að ég hafi bætt mig mikið sem leikmaður – er sterkari, fljótari og betri í handbolta,“ segir hún en Þórey Anna byrjar daginn á því að fara á æfingu í skólanum áður en hún sinnir náminu. Eftir skóladaginn þarf hún svo að fara með lest í einn og hálfan tíma til að mæta á æfingu hjá Rælingen. „Ég geri ýmislegt til að drepa tímann – læri, les eða hlusta á tónlist. Þetta bara fylgir,“ segir Þórey Anna sem býr í íbúð ásamt tveimur skólasystrum sínum. „Það gengur ágætlega – oftast,“ segir hún og hlær. Þórey ætlar að halda námi áfram eftir útskrift. „Það er alveg klárt að ég ætla að vera í háskóla samhliða handboltanum en það er óákveðið hvar. Ég er að reyna að gera upp hug minn í því en það gengur mjög illa,“ segir hún í léttum dúr.Er svolítið eins og systir mín Þórey Rósa Stefánsdóttir er byrjunarliðsmaður í hægra horni íslenska landsliðsins en hefur deilt stöðunni með nöfnu sinni, Þóreyju Önnu, í síðustu leikjum. „Það er auðvitað gott að hafa samkeppni en það er líka gott að vinna með henni. Við vorum herbergisfélagar í síðustu ferð og hún er svolítið eins og litla systir mín,“ segir hún og brosir. „Hún er spennandi leikmaður og það er líka gott að vinna með henni. Hún er afar ákveðin, þorir að fara í sín færi og í ákveðnar hreyfingar. Hún er ekkert að halda aftur af sér og það er ekki gefið þegar maður er að koma inn í sín fyrstu landsliðsverkefni sautján ára gömul,“ segir hún. „Það er gott að vita að staðan verði í góðum höndum þegar ég hætti – en ekki alveg strax,“ segir hún og hlær.
Íslenski handboltinn Mest lesið Biðst afsökunar á afar ljótum ummælum í Árbæ Fótbolti Eiginkonurnar fljúga frítt á meðan starfsmennirnir sitja eftir heima Fótbolti Lífsferill íþróttamannsins: Dökkar hliðar afreksíþrótta Sport „Sumir þurftu því miður að yfirgefa svæðið“ Fótbolti „Er þreyttur núna, ég skal bara viðurkenna það“ Handbolti Þeir bestu (3. sæti): Sannkallaður Benjamin Button Íslenski boltinn United niðurlægt í Malasíu Enski boltinn Í beinni: Real Betis - Chelsea | Barist um titil í Póllandi Fótbolti Sagður undir áhrifum, pissa í klefa Roma og senda tvo á sjúkrahús Fótbolti Munda missir af landsleik vegna útskriftar úr Harvard Fótbolti Fleiri fréttir Magdeburg á toppinn eftir enn einn stórleikinn hjá Ómari og Gísla „Er þreyttur núna, ég skal bara viðurkenna það“ Anton og Jónas dæma á úrslitahelgi Meistaradeildarinnar Viktor Gísli og Wisla Plock með yfirhöndina í úrslitaeinvíginu Hannes fær Íslandsmeistara til Austurríkis Myndaveisla: Valskonur Íslandsmeistarar þriðja árið í röð „Erum búin að vera í fimm úrslitaleikjum“ „Þvílík vegferð sem þetta er búið að vera“ „Þær vinna þetta Íslandsmót sanngjarnt“ „Hefði ekki verið hægt að skrifa þennan endi“ Gerir ekki upp á milli Arons og Óla Stef: „Verður mikill söknuður af honum“ Uppgjörið: Valur - Haukar 30-25 | Íslandsmeistarar þriðja árið í röð Alltaf markmiðið að verða Íslandsmeistari Goðsagnir senda Aroni kveðjur: „Einn besti leikmaður allra tíma“ „Stórmannlegt“ af Aroni sem hafi tekið rétta ákvörðun Aron Pálmarsson leggur skóna á hilluna í sumar Óðinn Þór skoraði ellefu og tryggði þriðja titilinn Átján mörk frá Ómari og Gísla í stórsigri Magdeburg Féll allur ketill í eld í seinni hálfleik Þorsteinn Leó með fimm í mikilvægum sigri Melsungen komst ekki í úrslitaleikinn Bætti á sig átta kílóum, vann tvöfalt og er á leið út Vildi ekki skipta um lið bara til þess eins að skipta um lið „Við þurfum hjálp frá Guði“ „Við erum með gríðarlega sterka liðsheild“ „Er til eitthvað sem heitir sjöundi gír?“ Uppgjörið: Haukar - Valur 22-29 (0-2) | Skellt í lás í seinni Þjálfari Íslendingaliðsins í veikindaleyfi eftir yfirliðið „Við ætluðum okkur að vinna titla og vinna þennan titil“ „Væri alveg til í að hafa þá sem tengdasyni“ Sjá meira