Stórstjörnur í fertugsafmæli

Rapparinn Zebra Katz mun spila í kvöld í afmæli Oliver Luckett sem haldið er í Gamla bíói en Luckett á fyrirtækið TheAudience þar sem Katz er á skrá. Samkvæmt heimildum Fréttablaðsins er um einkasamkvæmi að ræða en þar eru heimsfræg nöfn á gestalistanum.

Ásamt rapparanum mun tónlistarkonan Azelea Banks troða upp og að öllum líkindum okkar eigin Björk.

Líkt og Lífið greindi frá í gær verða gestir samkvæmisins meðal annarra samkvæmisljónið og partípinninn Lindsay Lohan sem mun eflaust mála miðbæinn rauðan og leikarinn Ian Somerhalder en hann er þekktur fyrir hlutverk sitt í þáttaröðunum Lost og The Vampire Diaries.