Bikarhátíð í Höllinni Óskar Ófeigur Jónsson skrifar 22. febrúar 2014 10:30 Fyrirliðar liðanna fjögurra sem spila um helgina. Fréttablaðið/Daníel Grindvíkingar enda þriggja leikja taphrinu sína í Laugardalshöllinni og Snæfellskonur vinna fyrsta bikarmeistaratitil kvennaliðs félagsins, hafi spámenn Fréttablaðsins rétt fyrir sér. Fréttablaðið leitaði til sjö leikmanna og þjálfara úr Dominos-deild karla og sex leikmanna úr Dominos-deild kvenna til að spá um hvaða lið vinni bikarinn í Höllinni í dag. Þótt þau búist mörg við jöfnum leikjum þá er nær öll á því að Grindavík og Snæfell komi heim með bikarinn í kvöld.Þrjú-núll fyrir Snæfell í vetur Fimm af sex spá Snæfelli sigri í úrslitaleik kvenna. Hildur Sigurðardóttir fær þrjú atkvæði sem líklegasti maður leiksins en Chyanna Brown tvö. Lele Hardy fær síðan sjötta atkvæðið hjá KR-ingnum Sigrúnu Sjöfn Ámundadóttur sem er sú eina sem spáir Haukum sigri. Snæfellskonur urðu deildarmeistarar síðasta sunnudag og eiga því möguleika á því að vinna tvo titla á innan við viku. Kvennalið Snæfells hafði aldrei áður unnið deildarmeistaratitilinn og tapaði í Höllinni fyrir tveimur árum í fyrsta og eina bikarúrslitaleik liðsins.Lele Hardy örlagavaldur síðast Í liði Hauka er einn af örlagavöldum Snæfellsliðsins í Höllinni fyrir tveimur árum. Lele Hardy var með tröllatvennu (26 stig og 24 fráköst) þegar Njarðvík vann Snæfell í úrslitaleiknum 2012 og nú er hún mætt á ný í Höllina og að þessu sinni með Haukunum sem hafa verið mikið bikarlið undanfarinn tæpan áratug. Snæfell er með átta stiga forskot á Hauka í deildinni og hefur unnið alla þrjá innbyrðisleiki liðanna, þar af tvo þá síðustu með samtals 28 stiga mun. Hardy er vissulega með tröllatvennu að meðtali í þessum leikjum (28,0 stig og 20,3 fráköst) en hefur bara hitt úr 30 prósent skota sinna. Það vegur þungt.Bæði lið í stórsókn á árinu 2014 Sex af sjö spá Grindavík sigri á ÍR í úrslitaleik karla og bæði Sigurður Gunnar Þorsteinsson og Lewis Clinch fá þrjár tilnefningar hvor sem menn leiksins. Jóhann Árni Ólafsson fær eina. Nigel Moore fær síðan síðasta atkvæðið frá Njarðvíkingnum Elvari Má Friðrikssyni sem er sá eini sem spáir ÍR sigri. Grindvíkingar hafa þurft að sætta sig við þrjú bikarsilfur á síðustu fjórum árum en að þessu sinni komust þeir í bikarúrslitaleikinn eftir að hafa slegið bæði Keflavík og Njarðvík út á leiðinni í Höllina. ÍR-ingar hafa fagnað sigri í tvö síðustu skiptin sín í Höllinni en liðið er sannkallað Lazarus-lið, hefur enda umbreyst úr einu lélegasta liði deildarinnar í eitt það skeinuhættasta á aðeins tæpum tveimur mánuðum. Liðið sem sat í fallsæti um jólin spilar nú um fyrsta stóra titil tímabilsins og er í hörkubaráttu um sæti í úrslitakeppninni. Nigel Moore-áhrifin hafa verið til umfjöllunar í Fréttablaðinu en sjaldan hafa Kanaskipti heppnast jafn vel og þarna hjá Örvari Þór Kristjánssyni þjálfara ÍR. Þetta verður því allt annað ÍR-lið í Laugardalshöllinni í dag en tapaði með 25 stigum fyrir Grindavík í lok október (73-98).Síðasti leikur liðanna lofar góðu Grindvíkingar fengu hins vegar að kynnast því frá fyrstu hendi þegar ÍR vann tveggja stiga sigur í leik liðanna í Seljaskólanum í janúar. Reyndar voru Grindvíkingar þá líka búnir að skipta um Bandaríkjamann með góðum árangri. Lewis Clinch er í hópi allra bestu leikmanna deildarinnar. Grindvíkingar hafa byrjað árið 2014 með átta sigrum í fyrstu níu leikjum sínum í deild og bikar en eina liðið sem hefur unnið þá á árinu til þessa er einmitt lið ÍR. Hvort sá leikur hefur verið víti til varnaðar fyrir Grindavíkurliðið eða áfylling á sjálfstrauststankinn hjá Breiðhyltingum kemur ekki í ljós fyrr en á fjölum Hallarinnar í dag. Úrslitaleikur kvenna milli Snæfells og Hauka hefst klukkan 13.30 í Laugardalshöllinni en leikur Grindavíkur og ÍR hefst klukkan 16.00. Dominos-deild karla Dominos-deild kvenna Mest lesið Uppgjörið: ÍBV - KR 2-1 | Fyrirliðinn tryggði fögnuð í Eyjum Íslenski boltinn Fáránleg hegðun á Hlíðarenda: Plastglas í höfuð og miðfingur á loft Fótbolti Handtekin fyrir að lemja kærastann en hann vildi ekki kæra Sport Liverpool tilbúið að hætta eltingaleiknum við Isak Enski boltinn Stjórnendur NBA reyna að sannfæra Real Madrid og fleiri forrík félög Körfubolti Bein útsending: Dagur tvö á heimsleikunum í CrossFit 2025 Sport Alfreð og fleiri jálkar með óvænt félagaskipti yfir í Augnablik Íslenski boltinn Er Donnarumma svarið frekar en nýr framherji? Enski boltinn Allt liðið gekk út á völl í Súperman búningum Fótbolti Fékk vægt áfall: „Með fullt af missed calls“ Körfubolti Fleiri fréttir Grindavík fær leikstjórnanda frá Grikklandi Stórt tap á Ítalíu Ísland mátti þola stórt tap Luka framlengir til þriggja ára í Los Angeles Fékk vægt áfall: „Með fullt af missed calls“ Stjórnendur NBA reyna að sannfæra Real Madrid og fleiri forrík félög KR sækir ungan bakvörð „Sýna að maður eigi það skilið“ Segir að þeim besta í heimi sé skítsama Álftanes bætir Bandaríkjamanni við hópinn „Númer eitt, tvö og þrjú að knúsa þau sem mest“ Callum Lawson aftur til Valsmanna Þrír verða heima meðan landsliðið fer til Ítalíu Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Semple til Grindavíkur NBA stjarna sökuð um að stela tugum milljóna frá spilavítum Gamall Stjörnumaður kemur aftur til Íslands og semur við Álftanes Kynlífsleikfangi hent inn á völlinn í miðjum leik „Erum að einblína á það sem er að gerast á vellinum“ Í þrjátíu mánaða fangelsi fyrir að hrella Caitlin Clark Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Gjörbreyttur Luka hefur tekið á því í ræktinni NBA reynslubolti handtekinn fyrir ávísunarfals LeBron hitti umboðsmann Jokic í Frakklandi Landsliðsmenn buðust til að ræða við Craig: „Var ekki að fara grátbiðja hann í annað sinn“ Kristófer sendir frá sér yfirlýsingu: „Ekki ætlun mín að valda usla“ Kristófer opnar sig um ágreininginn: „Vonbrigði og vanvirðing“ Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Sjá meira
Grindvíkingar enda þriggja leikja taphrinu sína í Laugardalshöllinni og Snæfellskonur vinna fyrsta bikarmeistaratitil kvennaliðs félagsins, hafi spámenn Fréttablaðsins rétt fyrir sér. Fréttablaðið leitaði til sjö leikmanna og þjálfara úr Dominos-deild karla og sex leikmanna úr Dominos-deild kvenna til að spá um hvaða lið vinni bikarinn í Höllinni í dag. Þótt þau búist mörg við jöfnum leikjum þá er nær öll á því að Grindavík og Snæfell komi heim með bikarinn í kvöld.Þrjú-núll fyrir Snæfell í vetur Fimm af sex spá Snæfelli sigri í úrslitaleik kvenna. Hildur Sigurðardóttir fær þrjú atkvæði sem líklegasti maður leiksins en Chyanna Brown tvö. Lele Hardy fær síðan sjötta atkvæðið hjá KR-ingnum Sigrúnu Sjöfn Ámundadóttur sem er sú eina sem spáir Haukum sigri. Snæfellskonur urðu deildarmeistarar síðasta sunnudag og eiga því möguleika á því að vinna tvo titla á innan við viku. Kvennalið Snæfells hafði aldrei áður unnið deildarmeistaratitilinn og tapaði í Höllinni fyrir tveimur árum í fyrsta og eina bikarúrslitaleik liðsins.Lele Hardy örlagavaldur síðast Í liði Hauka er einn af örlagavöldum Snæfellsliðsins í Höllinni fyrir tveimur árum. Lele Hardy var með tröllatvennu (26 stig og 24 fráköst) þegar Njarðvík vann Snæfell í úrslitaleiknum 2012 og nú er hún mætt á ný í Höllina og að þessu sinni með Haukunum sem hafa verið mikið bikarlið undanfarinn tæpan áratug. Snæfell er með átta stiga forskot á Hauka í deildinni og hefur unnið alla þrjá innbyrðisleiki liðanna, þar af tvo þá síðustu með samtals 28 stiga mun. Hardy er vissulega með tröllatvennu að meðtali í þessum leikjum (28,0 stig og 20,3 fráköst) en hefur bara hitt úr 30 prósent skota sinna. Það vegur þungt.Bæði lið í stórsókn á árinu 2014 Sex af sjö spá Grindavík sigri á ÍR í úrslitaleik karla og bæði Sigurður Gunnar Þorsteinsson og Lewis Clinch fá þrjár tilnefningar hvor sem menn leiksins. Jóhann Árni Ólafsson fær eina. Nigel Moore fær síðan síðasta atkvæðið frá Njarðvíkingnum Elvari Má Friðrikssyni sem er sá eini sem spáir ÍR sigri. Grindvíkingar hafa þurft að sætta sig við þrjú bikarsilfur á síðustu fjórum árum en að þessu sinni komust þeir í bikarúrslitaleikinn eftir að hafa slegið bæði Keflavík og Njarðvík út á leiðinni í Höllina. ÍR-ingar hafa fagnað sigri í tvö síðustu skiptin sín í Höllinni en liðið er sannkallað Lazarus-lið, hefur enda umbreyst úr einu lélegasta liði deildarinnar í eitt það skeinuhættasta á aðeins tæpum tveimur mánuðum. Liðið sem sat í fallsæti um jólin spilar nú um fyrsta stóra titil tímabilsins og er í hörkubaráttu um sæti í úrslitakeppninni. Nigel Moore-áhrifin hafa verið til umfjöllunar í Fréttablaðinu en sjaldan hafa Kanaskipti heppnast jafn vel og þarna hjá Örvari Þór Kristjánssyni þjálfara ÍR. Þetta verður því allt annað ÍR-lið í Laugardalshöllinni í dag en tapaði með 25 stigum fyrir Grindavík í lok október (73-98).Síðasti leikur liðanna lofar góðu Grindvíkingar fengu hins vegar að kynnast því frá fyrstu hendi þegar ÍR vann tveggja stiga sigur í leik liðanna í Seljaskólanum í janúar. Reyndar voru Grindvíkingar þá líka búnir að skipta um Bandaríkjamann með góðum árangri. Lewis Clinch er í hópi allra bestu leikmanna deildarinnar. Grindvíkingar hafa byrjað árið 2014 með átta sigrum í fyrstu níu leikjum sínum í deild og bikar en eina liðið sem hefur unnið þá á árinu til þessa er einmitt lið ÍR. Hvort sá leikur hefur verið víti til varnaðar fyrir Grindavíkurliðið eða áfylling á sjálfstrauststankinn hjá Breiðhyltingum kemur ekki í ljós fyrr en á fjölum Hallarinnar í dag. Úrslitaleikur kvenna milli Snæfells og Hauka hefst klukkan 13.30 í Laugardalshöllinni en leikur Grindavíkur og ÍR hefst klukkan 16.00.
Dominos-deild karla Dominos-deild kvenna Mest lesið Uppgjörið: ÍBV - KR 2-1 | Fyrirliðinn tryggði fögnuð í Eyjum Íslenski boltinn Fáránleg hegðun á Hlíðarenda: Plastglas í höfuð og miðfingur á loft Fótbolti Handtekin fyrir að lemja kærastann en hann vildi ekki kæra Sport Liverpool tilbúið að hætta eltingaleiknum við Isak Enski boltinn Stjórnendur NBA reyna að sannfæra Real Madrid og fleiri forrík félög Körfubolti Bein útsending: Dagur tvö á heimsleikunum í CrossFit 2025 Sport Alfreð og fleiri jálkar með óvænt félagaskipti yfir í Augnablik Íslenski boltinn Er Donnarumma svarið frekar en nýr framherji? Enski boltinn Allt liðið gekk út á völl í Súperman búningum Fótbolti Fékk vægt áfall: „Með fullt af missed calls“ Körfubolti Fleiri fréttir Grindavík fær leikstjórnanda frá Grikklandi Stórt tap á Ítalíu Ísland mátti þola stórt tap Luka framlengir til þriggja ára í Los Angeles Fékk vægt áfall: „Með fullt af missed calls“ Stjórnendur NBA reyna að sannfæra Real Madrid og fleiri forrík félög KR sækir ungan bakvörð „Sýna að maður eigi það skilið“ Segir að þeim besta í heimi sé skítsama Álftanes bætir Bandaríkjamanni við hópinn „Númer eitt, tvö og þrjú að knúsa þau sem mest“ Callum Lawson aftur til Valsmanna Þrír verða heima meðan landsliðið fer til Ítalíu Skora á KKÍ að sniðganga Ísrael: „Íþróttahreyfingin ekki undanskilin ábyrgð“ Semple til Grindavíkur NBA stjarna sökuð um að stela tugum milljóna frá spilavítum Gamall Stjörnumaður kemur aftur til Íslands og semur við Álftanes Kynlífsleikfangi hent inn á völlinn í miðjum leik „Erum að einblína á það sem er að gerast á vellinum“ Í þrjátíu mánaða fangelsi fyrir að hrella Caitlin Clark Bað hennar í íþróttahúsinu þar sem allt byrjaði Mario fer ekki á EM – fimm dottnir úr hópi Íslands Gjörbreyttur Luka hefur tekið á því í ræktinni NBA reynslubolti handtekinn fyrir ávísunarfals LeBron hitti umboðsmann Jokic í Frakklandi Landsliðsmenn buðust til að ræða við Craig: „Var ekki að fara grátbiðja hann í annað sinn“ Kristófer sendir frá sér yfirlýsingu: „Ekki ætlun mín að valda usla“ Kristófer opnar sig um ágreininginn: „Vonbrigði og vanvirðing“ Shaq lofar að mæta í kjól ef Gobert verður valinn Mynd af yngstu dóttur Kobe Bryant vekur lukku Sjá meira