Fótbolti

Reina búinn að standast læknisskoðun hjá Bayern

Kristinn Páll Teitsson skrifar
Pepe Reina og Brad Jones á æfingu hjá Liverpool á dögunum.
Pepe Reina og Brad Jones á æfingu hjá Liverpool á dögunum. Vísir/Getty
Markvörðurinn Jose Manuel Reina, leikmaður Liverpool, er á leiðinni til Bayern Munchen en þar mun hann berjast við Manuel Neuer um sæti í liði þýsku meistaranna.

Reina hefur verið út í kuldanum hjá Liverpool á undirbúningstímabilinu eftir stirt samband við Brendan Rodgers, knattspyrnustjóra liðsins, síðasta sumar.

Reina eyddi síðasta tímabili á láni hjá Napoli eftir að Liverpool gekk frá kaupunum á Simon Mignolet. Ítalska liðið gat hinsvegar ekki borgað honum nálægt þeim launum sem hann fékk hjá Liverpool og virtist hann vera fastur hjá félaginu.

Nú hefur Liverpool hinsvegar samþykkt 2 milljóna tilboð Bayern í Reina en hann hefur þegar staðist læknisskoðun hjá þýsku meisturunum og verður hann kynntur til leiks seinna í dag.

Þýski boltinn

Mest lesið


Fleiri fréttir

Sjá meira


×

Mest lesið