Höll minninganna: frá Óla Geir til Óla Geirs

Athafnamaðurinn Óli Geir, fegurðardrottningin og lögmaðurinn Unnur Birna Vilhjálmsdóttir, leikkonan Álfrún Örnólfsdóttir, leikkonan María Ellingsen og leikarinn Darri Ingólfsson tengjast á skemmtilegan hátt.

Athafnamaðurinn Óli Geir var valinn Herra Ísland árið 2005 en síðar sviptur titlinum. Sama ár var Unnur Birna Vilhjálmsdóttir valin Ungfrú heimur.

Unnur Birna tók þátt í uppfærslu á söngleiknum Bugsy Malone árið 1998. Álfrún Örnólfsdóttir fór einnig með hlutverk í þeirri sýningu.

Álfrún lék í Óvitunum í Þjóðleikhúsinu, aðeins sjö ára gömul, árið 1989. María Ellingsen lék einnig í sýningunni.

Hollywood kallaði á Maríu á tíunda áratugnum og lék hún meðal annars í þáttunum Santa Barbara og bíómyndinni D2: The Mighty Ducks.

Hollywood kallaði einnig á leikarann Darra Ingólfsson sem síðast sást í sjónvarpsseríunni Dexter. Darri fór með lítið hlutverk í stórmyndinni Flags of Our Fathers en einn af aðalleikurum myndarinnar, Adam Beach, rekur ættir sínar til Suðurnesja.

Eins og Óli Geir sem er úr Keflavík.