Thunder tók annað sætið | Wizards komst upp fyrir Nets

Deildarkeppni NBA körfuboltans lauk í nótt með 15 leikjum en öll 30 lið deildarinnar voru í eldlínunni. Kevin Durant skoraði 42 stig fyrir Oklahoma City Thunder sem tryggði sér annað sæti vesturdeildar.

San Antonio Spurs var með bestan árangur allra liða  í deildarkeppninni og gat leyft sér að hvíla lykilmenn í tapi gegn Los Angeles Lakers í nótt.

Öllu meiri spenna var í baráttunni um næsta besta árangur Vesturdeildar og leið deilarinnar allrar því Los Angeles Clippers hefði getað ná Thunder hefði Clippers unnið í nótt og Thunder tapað. Svo fór ekki því Thunder marði Detroit Pistons 112-111 á sama tíma og Clippers tapaði fyrir Portland Trail Blazers 110-104.

Clippers vann 57 leiki á tímabilinu sem er besti árangur liðsins frá upphafi og einum sigri meira en Indiana Pacers, besta lið austurstrandarinnar afrekaði á tímabilinu.

Í Memphis léku Memphis Grizzlies og Dallas Mavericks úrslitaleik um sjöunda sæti vesturstrandar en bæði lið voru örugg inn í úrslitakeppnina fyrir leiki næturinnar. Grizzlies vann einss stigs sigur eftir framlengingu 106-105 þar sem Zach Randolph skoraði 27 stig og tók 14 fráköst fyrir heimamenn. Dirk Nowitzki skoraði 30 stig fyrir Mavericks.

Það verður því sannkölluð barátta um Texas í fyrstu umferð úrslitakeppninnar þegar Mavericks og Spurs mætast.

Washington Wizards náði fimmta sætinu í austurströndinni með því að leggja Boston Celtics örugglega 118-102. Á sama tíma steinlá Brooklyn Nets fyrir Cleveland Cavaliers 114-85 og féll fyrir vikið niður í sjötta sætið.



Öll úrslit næturinnar:

Charlotte Bobcats – Chicago Bulls 91-86

Orlando Magic – Indiana Pacers 86-101

Memphis Grizzlies – Dallas Mavericks 106-105

Milwaukee Bucks – Atlanta Hawks 103-111

Minnesota Timberwolves – Utah Jazz 130-136

New Orleans Pelicans – Houston Rockets 105-100

Oklahoma City Thunder – Detroit Pistons 112-111

San Antonio Spurs – Los Angeles Lakers 100-113

Boston Celtics – Washington Wizards 102-118

Cleveland Cavaliers – Brooklyn Nets 114-85

Miami Heat – Philadelphia 76ers 87-100

Myndband: