Efstu liðin unnu í kvennakörfunni - Haukakonur þurftu framlengingu

Keflavík, Snæfell og Haukar, þrjú efstu liðin í Dominos-deild kvenna í körfubolta, unnu öll leiki sína í sjöundu umferðinni í kvöld og Valskonur unnu í Grindavík í uppgjöri liðanna sem voru jöfn í 4. og 5. sæti.

Topplið Keflavíkur vann auðveldan sigur á kanalausu liði Hamars í Hveragerði og Íslandsmeistarar Snæfells unnu þægilegan sigur á nýliðum Breiðabliks í Smáranum.

Haukakonur lentu hinsvegar í vandræðum með KR á Ásvöllum en unnu að lokum 72-66 eftir framlengingu þar sem hin magnaða LeLe Hardy var með 40 stig, 29 fráköst, 6 stoðsendingar og 5 stolna bolta. Simone Jaqueline Holmes styrkir KR-liðið mikið en liðið var nálægt sínum öðrum sigri í röð með hana innanborðs.

KR-konur voru átta stigum yfir í hálfleik, 29-21, en Haukakonur unnu upp forskotið í seinni hálfleiknum og LeLe Hardy tryggði Haukum framlengingu með þriggja stiga körfu. Haukarliðið var síðan miklu sterkari í framlengingunni sem liðið vann 13-7.

Joanna Harden var með 32 stig, 8 fráköst og 7 stoðsendingar þegar Valskonur unnu átta stiga sigur á Grindavík í Grindavík, 89-81. Fanney Lind Guðmundsdóttir var með 16 stig fyrir Val og Kristrún Sigurjónsdóttir skoraði 11 stig. Rachel Tecca skoraði 38 stig og tók 14 fráköst fyrir Grindavík en dugði ekki. Petrúnella Skúladóttir var með 14 stig og 12 fráköst.



Úrvalsdeild kvenna, úrslit kvöldsins

Haukar-KR 72-66 (15-16, 6-13, 22-15, 16-15, 13-7)

Haukar: LeLe Hardy 40/29 fráköst/6 stoðsendingar/5 stolnir, María Lind Sigurðardóttir 11/8 fráköst, Auður Íris Ólafsdóttir 7, Dagbjört Samúelsdóttir 5, Sylvía Rún Hálfdanardóttir 5/8 fráköst, Þóra Kristín Jónsdóttir 2, Guðrún Ósk Ámundadóttir 2.

KR: Simone Jaqueline Holmes 28/7 fráköst/6 stoðsendingar, Helga Einarsdóttir 9/6 fráköst/5 stolnir, Þorbjörg Andrea Friðriksdóttir 7/7 fráköst, Bergþóra Holton Tómasdóttir 7, Anna María Ævarsdóttir 6/4 fráköst, Sólrún Sæmundsdóttir 5/5 fráköst, Sara Mjöll Magnúsdóttir 4/5 fráköst.

Breiðablik-Snæfell 61-74 (13-23, 14-22, 15-16, 19-13)

Breiðablik: Arielle Wideman 14/7 fráköst/6 stoðsendingar, Berglind Karen Ingvarsdóttir 10, Kristbjörg Pálsdóttir 9, Unnur Lára Ásgeirsdóttir 7, Jóhanna Björk Sveinsdóttir 6/10 fráköst, Elín Sóley Hrafnkelsdóttir 5/7 fráköst/5 varin skot, Aníta Rún Árnadóttir 4, Ingunn Erla Kristjánsdóttir 4, Ísabella Ósk Sigurðardóttir 2.

Snæfell: Kristen Denise McCarthy 29/14 fráköst, Berglind Gunnarsdóttir 14/5 fráköst, Hildur Sigurdardottir 11/7 fráköst/6 stoðsendingar, María Björnsdóttir 8, Helga Hjördís Björgvinsdóttir 5/6 fráköst, Gunnhildur Gunnarsdóttir 3/7 fráköst, Alda Leif Jónsdóttir 2, Hugrún Eva Valdimarsdóttir 2/4 fráköst.

Hamar-Keflavík 48-92 (9-24, 15-19, 13-26, 11-23)

Hamar: Salbjörg Ragna Sævarsdóttir 14/4 fráköst/3 varin skot, Þórunn Bjarnadóttir 13/6 fráköst, Heiða B. Valdimarsdóttir 10/6 fráköst, Kristrún Rut Antonsdóttir 8, Sóley Guðgeirsdóttir 3/8 fráköst, Jóhanna Herdís Sævarsdóttir 0/4 fráköst.

Keflavík: Carmen Tyson-Thomas 18/8 fráköst, Sara Rún Hinriksdóttir 14/9 fráköst, Ingunn Embla Kristínardóttir 12/4 fráköst, Birna Ingibjörg Valgarðsdóttir 9/7 fráköst, Thelma Dís Ágústsdóttir 8/5 fráköst, Marín Laufey Davíðsdóttir 8/7 fráköst, Hallveig Jónsdóttir 6, Sandra Lind Þrastardóttir 6/10 fráköst, Bríet Sif Hinriksdóttir 6/4 fráköst, Lovísa Falsdóttir 3, Emelía Ósk Gunnarsdóttir 2.

Grindavík-Valur 81-89 (23-20, 21-22, 18-26, 19-21)

Grindavík: Rachel Tecca 38/14 fráköst, Petrúnella Skúladóttir 14/12 fráköst/5 stoðsendingar, Guðlaug Björt Júlíusdóttir 7, Ásdís Vala Freysdóttir 6, María Ben Erlingsdóttir 6, Ingibjörg Jakobsdóttir 5/11 stoðsendingar, Pálína Gunnlaugsdóttir 5.

Valur: Joanna Harden 32/8 fráköst/7 stoðsendingar, Fanney Lind Guðmundsdóttir 16/5 fráköst, Kristrún Sigurjónsdóttir 11/5 stoðsendingar, Guðbjörg Sverrisdóttir 9, Ragnheiður Benónísdóttir 8/8 fráköst, Sóllilja Bjarnadóttir 7, Ragna Margrét Brynjarsdóttir 4/6 fráköst/4 varin skot, Sara Diljá Sigurðardóttir 2/4 fráköst.