Umfjöllun og viðtöl: Afturelding - ÍBV | Meistararnir enn án sigurs Dagur Sveinn Dagbjartsson skrifar 27. september 2014 00:01 Jóhann Gunnar Einarsson, leikmaður Aftureldingar. vísir/valli Afturelding og ÍBV buðu upp á jafnan og spennandi leik þegar liðin mættust í Mosfellsbæ í dag. Fyrir leikinn voru Íslandsmeistarar ÍBV án sigurs eftir tvo fyrstu leikina en nýliðar Aftureldingar með tvo sigra úr tveimur leikjum. Leikurinn var jafn frá fyrstu mínútu. Afturelding var þó skrefi framar fram í miðjan fyrri hálfleik en Eyjamenn voru aldrei langt undan. ÍBV sótti í sig veðrið eftir því sem leið á og leiddi í hálfleik, 12-11. Sama baráttan hélt áfram í síðari hálfleik. Heimamenn náðu yfirhöndinni um miðjan hálfleikinn og komust tveimur mörkum yfir. Varnarleikur Aftureldingar var öflugur. Fyrir aftur vörnina stóð Davíð Svansson vaktina og með öflugri vörn fór markvarsla Davíðs í gang. Eyjamenn lögðu þó ekki árar í bát og sóttu hart að heimamönnum. Eyjamenn misstu Agnar Smára Jónsson út af vegna meiðsla í fyrri hálfleik og það hjálpaði gestunum akkúrat ekkert. Vörn ÍBV var góð en Eyjamenn voru þó oft á tíðum klaufar í sóknaraðgerðum sínum. Köstuðu boltunum klaufalega frá sér og það nýtti Afturelding sér. Heimamenn náðu mest þriggja marka forystu þegar tæpar tíu mínútur voru eftir af leiknum en þá tóku Eyjamenn leikhlé. Gunnar Magnússon, þjálfari ÍBV, hefur látið vel valin orð falla því gestirnir bitu frá sé á lokakafla leiksins. Síðustu mínúturnar voru æsispennandi. ÍBV náði að minnka forskot heimamanna í eitt mark þegar um þrjár mínútur lifðu leiks. En svo fór að Afturelding vann tveggja marka sigur, 24-22. Íslandsmeistarar ÍBV eru því enn án sigurs eftir þrjá leiki á sama tíma og nýliðar Aftureldingar eru með fullt hús stiga. Elvar Ásgeirsson átti góðan leik í liði Aftureldingar, skoraði mikilvæg mörk á lokakaflanum og eins var Davíð í markinu öflugur í síðari hálfleik. Vörn ÍBV lék oft á tíðum vel í leiknum en það var fyrst og fremst sóknarleikur liðsins fyrri hluta síðari hálfleiks sem felldi liðið í þessum leik.Davíð: Förum langt á hjartanuDavíð Svansson, markvörður Aftureldingar, sagði að þessi byrjun liðsins væri framar þeir björtustu vonum. "Við vorum bjartsýnir fyrir mót, erum með breiðan hóp og tilfinningin í hópnum var þannig að við ættum eftir að gera góða hluti. En þetta er bara rugl. Það gekk brösulega í byrjun, þeir eru með frábæra vörn Eyjamenn. En þvílíkur karakter. Þetta sýnir bara að við förum langt á hjartanu," sagði Davíð. Davíð viðurkenndi að það hafi farið um hann þegar Eyjamenn minnkuðu munin niður í eitt mark undir lok leiks. "Maður hugsaði með sér að nú erum við búnir með tvo sigra, ætlum við að fara að ná þeim þriðja? Auðvitað fór um mann. Þetta er skemmtilegt. Það gengur allt upp. Þetta er frábært," sagði himinlifandi Davíð í leikslok. Agnar: Að sjálfsögðu eru þetta vonbrigði, við erum ÍslandsmeistararAgnari Smári, leikmaður ÍBV, fór meiddur af velli í fyrri hálfleik og það munaði um minna fyrir Eyjamenn. Agnar var hundsvekktur þegar blaðamaður náði af honum tali og átti fáar skýringar á slakri byrjun ÍBV. "Að sjálfsögðu eru þetta vonbrigði, við erum Íslandsmeistarar. En leikurinn í dag var mjög jafn. Ég þurfti að fara af velli í fyrri hálfleik. Við vorum vel stefndir fyrir leik og vorum klárir en ég veit ekki hvað klikkaði." Agnar var á því að þetta hafi verið besti leikur ÍBV af þeim þremur sem liðið hefur spilað í deildinni til þessa. "Vörnin hefur alltaf verið góð þó við höfum verið að tapa. Markvarslan var mjög góð, Kolbeinn var frábær í markinu. Ég veit eiginlega ekki hvað ég get sagt. Þetta er bara hrikalega svekkjandi." Um meiðslin hafði hann þetta að segja; "Gunnar (Þórsson) vinur minn og fyrrum félagi úr Val rífur í mig og það smellur eitthvað í ökklanum og eitthvað sem leiðir úr ökkla og upp í hné. Veit ekki hvað það er. Enginn snúningur. Ég sé til á morgun hvernig þetta verður, hvort ég fari í myndatöku." Olís-deild karla Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn Í beinni: Keflavík - Grindavík | Geta Keflvíkingar bitið frá sér án Remy? Körfubolti DeAndre Kane sleppur við bann og spilar í kvöld Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Þetta er ekki boðlegt finnst mér“ Körfubolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira
Afturelding og ÍBV buðu upp á jafnan og spennandi leik þegar liðin mættust í Mosfellsbæ í dag. Fyrir leikinn voru Íslandsmeistarar ÍBV án sigurs eftir tvo fyrstu leikina en nýliðar Aftureldingar með tvo sigra úr tveimur leikjum. Leikurinn var jafn frá fyrstu mínútu. Afturelding var þó skrefi framar fram í miðjan fyrri hálfleik en Eyjamenn voru aldrei langt undan. ÍBV sótti í sig veðrið eftir því sem leið á og leiddi í hálfleik, 12-11. Sama baráttan hélt áfram í síðari hálfleik. Heimamenn náðu yfirhöndinni um miðjan hálfleikinn og komust tveimur mörkum yfir. Varnarleikur Aftureldingar var öflugur. Fyrir aftur vörnina stóð Davíð Svansson vaktina og með öflugri vörn fór markvarsla Davíðs í gang. Eyjamenn lögðu þó ekki árar í bát og sóttu hart að heimamönnum. Eyjamenn misstu Agnar Smára Jónsson út af vegna meiðsla í fyrri hálfleik og það hjálpaði gestunum akkúrat ekkert. Vörn ÍBV var góð en Eyjamenn voru þó oft á tíðum klaufar í sóknaraðgerðum sínum. Köstuðu boltunum klaufalega frá sér og það nýtti Afturelding sér. Heimamenn náðu mest þriggja marka forystu þegar tæpar tíu mínútur voru eftir af leiknum en þá tóku Eyjamenn leikhlé. Gunnar Magnússon, þjálfari ÍBV, hefur látið vel valin orð falla því gestirnir bitu frá sé á lokakafla leiksins. Síðustu mínúturnar voru æsispennandi. ÍBV náði að minnka forskot heimamanna í eitt mark þegar um þrjár mínútur lifðu leiks. En svo fór að Afturelding vann tveggja marka sigur, 24-22. Íslandsmeistarar ÍBV eru því enn án sigurs eftir þrjá leiki á sama tíma og nýliðar Aftureldingar eru með fullt hús stiga. Elvar Ásgeirsson átti góðan leik í liði Aftureldingar, skoraði mikilvæg mörk á lokakaflanum og eins var Davíð í markinu öflugur í síðari hálfleik. Vörn ÍBV lék oft á tíðum vel í leiknum en það var fyrst og fremst sóknarleikur liðsins fyrri hluta síðari hálfleiks sem felldi liðið í þessum leik.Davíð: Förum langt á hjartanuDavíð Svansson, markvörður Aftureldingar, sagði að þessi byrjun liðsins væri framar þeir björtustu vonum. "Við vorum bjartsýnir fyrir mót, erum með breiðan hóp og tilfinningin í hópnum var þannig að við ættum eftir að gera góða hluti. En þetta er bara rugl. Það gekk brösulega í byrjun, þeir eru með frábæra vörn Eyjamenn. En þvílíkur karakter. Þetta sýnir bara að við förum langt á hjartanu," sagði Davíð. Davíð viðurkenndi að það hafi farið um hann þegar Eyjamenn minnkuðu munin niður í eitt mark undir lok leiks. "Maður hugsaði með sér að nú erum við búnir með tvo sigra, ætlum við að fara að ná þeim þriðja? Auðvitað fór um mann. Þetta er skemmtilegt. Það gengur allt upp. Þetta er frábært," sagði himinlifandi Davíð í leikslok. Agnar: Að sjálfsögðu eru þetta vonbrigði, við erum ÍslandsmeistararAgnari Smári, leikmaður ÍBV, fór meiddur af velli í fyrri hálfleik og það munaði um minna fyrir Eyjamenn. Agnar var hundsvekktur þegar blaðamaður náði af honum tali og átti fáar skýringar á slakri byrjun ÍBV. "Að sjálfsögðu eru þetta vonbrigði, við erum Íslandsmeistarar. En leikurinn í dag var mjög jafn. Ég þurfti að fara af velli í fyrri hálfleik. Við vorum vel stefndir fyrir leik og vorum klárir en ég veit ekki hvað klikkaði." Agnar var á því að þetta hafi verið besti leikur ÍBV af þeim þremur sem liðið hefur spilað í deildinni til þessa. "Vörnin hefur alltaf verið góð þó við höfum verið að tapa. Markvarslan var mjög góð, Kolbeinn var frábær í markinu. Ég veit eiginlega ekki hvað ég get sagt. Þetta er bara hrikalega svekkjandi." Um meiðslin hafði hann þetta að segja; "Gunnar (Þórsson) vinur minn og fyrrum félagi úr Val rífur í mig og það smellur eitthvað í ökklanum og eitthvað sem leiðir úr ökkla og upp í hné. Veit ekki hvað það er. Enginn snúningur. Ég sé til á morgun hvernig þetta verður, hvort ég fari í myndatöku."
Olís-deild karla Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn Í beinni: Keflavík - Grindavík | Geta Keflvíkingar bitið frá sér án Remy? Körfubolti DeAndre Kane sleppur við bann og spilar í kvöld Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Þetta er ekki boðlegt finnst mér“ Körfubolti Skoraði fernu og Englandsmeistararnir halda í við Skytturnar Enski boltinn Andrea á batavegi: „Gott fyrir alla að sjá hana brosandi“ Íslenski boltinn Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira