Renault loksins með fullt afl í Kanada

Franski bílaframleiðandinn telur að vélar sínar séu nú lausar við vandamálin sem hrjáðu þær í byrjun tímabilsins. Vélarnar hafa ekki verið nýttar til fulls og ekið í eins konar varfærni ham.

Liðin sem nota Renault vélar eru: Red Bull, Toro Rosso, Lotus og Caterham.

Remi Taffin, yfirmaður kappakstursmála hjá Renault segir að Kanada verði fyrsta keppnin þar sem raunveruleg geta vélana verði prófuð.

„Í upphafi tímabils sögðum við að við yrðum komin úr varfærni ham frá og með Kanada kappakstrinum,“ sagði Taffin.

„Í síðustu fjórum keppnum höfum við kynnt ýmsar uppfærslur og við munum ljúka ferlinu í Kanada, sem veitir okkur fyrsta tækifærið til að sjá hvar við stöndum gegn keppinautunum,“ hélt Remi Taffin áfram.

Stærsta áskorun keppninnar í Kanada verður líklega orkusöfnun og eldsneytisnotkun. Gilles Villeneuve brautin er mjög hröð með fáum löngum beygjum til að safna orku með hemlun.

„Með mjög fáum beygjum mun orkusöfnun með MGU-K (búnaður sem safnar orku við hemlun) vera mjög erfið vegna þess að bílarnir hægja ekki oft á sér á hverjum hring. Afleiðingin er sú að áherslan verður á MGU-H safni orku frá útblæstri póströrsins - við munum þurfa alla þá orku sem við getum fengið því við verðum á mörkunum með eldsneytisnotkun hér,“ sagði Taffin að lokum.

Mikilvægt veðrur fyrir liðin að finna rétt jafnvægi á milli eldsneytisnotkunar og raforku til að komast keppnin til enda.