„Það er mitt verk að hjálpa fólki sem lendir í svona“

„Það er bara mitt verk að hjálpa fólki sem lendir í svona,“ segir Róbert Guðmundsson, stofnandi Hjálparsamtaka Íslendinga. Hann hefur nú hafið söfnun fyrir tvær ungar konur sem misstu allt í bruna á Selfossi í gærmorgun.

„Það brann allt þarna inni,“ segir Róbert, en önnur kvennanna á þriggja ára dreng og vantar því bæði barnarúm, barnaföt og annað.

Maður á þrítugsaldri er nú í gæsluvarðhaldi vegna gruns um að hafa kveikt í íbúðinni. Íbúi á efri hæð vaknaði við sprengingu og tilkynnti um mikinn eld til slökkviliðs. Ekki urðu þó slys á fólki.

„Það sem brann ekki er ónýtt vegna reyks,“ segir Róbert, og bætir því við að konurnar séu ótryggðar og þar af leiðandi séu þær á götunni.

Þeim sem vilja styrkja konurnar er bent á að hafa samband við Hjálparsamtök Íslendinga. Þá eru reikningsnúmer kvennanna hér fyrir neðan.

0190-05-64951 kt:181090-4059

0142-26-010506 kt:060890-2939