Jóhann Gunnar Einarsson, stórskyttan úr Fram, hefur ákveðið að draga skóna fram úr hillunni en hann spilaði ekkert á þessu tímabili eftir að verða Íslandsmeistari með Fram síðasta vor.
Hann er genginn í raðir nýliða Aftureldingar og semur við liðið til eins árs en þetta kemur fram í Morgunblaðinu í dag.
Þetta er mikill liðsstyrkur fyrir nýliðana en Jóhann Gunnar var frábær á síðustu leiktíð þegar Fram varð Íslandsmeistari. Hann skoraði að meðaltali 5,3 mörk í leik í deildinni og var svo kjörinn besti leikmaður Olís-deildarinnar.
„Ég var nú búinn að heyra í nokkrum félögum, en á endanum fannst mér Afturelding mest spennandi ... Mér fannst áskorun að fara í Mosfellsbæinn, í lið sem er nýtt í úrvalsdeildinni, með nýjan þjálfara og mikinn efnivið,“ segir Jóhann Gunnar við Morgunblaðið.
Afturelding féll úr úrvalsdeildinni síðastliðið vor en vann 1. deildina á þessari leiktíð og leikur á ný á meðal þeirra bestu næsta vetur. Liðið mætir einnig til leiks með nýjan þjálfara en Einar Andri Einarsson, fráfarandi þjálfari FH, tekur við Mosfellingum.
Jóhann Gunnar samdi við nýliðana í Mosfellsbæ
Tengdar fréttir
Einar Andri tekur við Aftureldingu
Einar Andri Einarsson, þjálfari FH, tekur við liði Aftureldingar frá og með næsta keppnistímabili.
Afturelding næsta stórveldi í handboltanum? | Myndband
Afturelding úr Mosfellsbæ tryggði sér á dögunum sæti í Olís-deild karla í handbolta á ný en með liðinu leika margir af efnilegustu leikmönnum landsins. Þar ætla menn að byggja til framtíðar.
