Stjörnuleikurinn í Eyjum í gær | Myndband

Eyjamenn stóðu heldur betur fyrir skemmtilegum leik í gærkvöldi þegar Handboltastjörnurnar, sem Grétar Þór Eyþórsson leikmaður ÍBV þjálfar, léku sinn annan leik.

Leikmönnunum var skipt í tvö lið og þjálfuðu Arnar Pétursson og Daði Pálsson liðin. Leikurinn endaði með jafntefli, en þetta er annað árið í röð sem liðin skilja jöfn.

Mikil stemning var í húsinu, en Sighvatur Jónsson frá SIGVA media var með vélina á lofti og tók upp allt það helsta sem fór fram.

Sjón er sögu ríkari, en myndbandið má sjá hér að neðan.