Elduðu Frozen-rétti til styrktar góðu málefni

Nemendur og starfsfólk Hagaskóla stóðu fyrir góðgerðardeginum í sjötta sinn í síðustu viku. Markmiðið var að safna peningum fyrir krabbameinsdeild Landspítalans og neyðaraðstoð við börn á Gasa svæðinu. Verkefnið kallast Gott mál, eða unglingar fyrir unglinga. 

Einn bekkurinn brá á það ráð að elda rétti úr nýútkominni Frozen-matreiðslubók og selja réttina en enginn annar en Siggi Hall var þeim innan handar.

Matreiðslan gekk vel og var Siggi hæstánægður með nemendurna sem sýndu meistaratakta.