Horschel leiðir í Denver

Bandaríkjamaðurinn Billy Horschel er með þriggja högga forystu fyrir lokahringinn á BMW meistaramótinu, en leikið er í Denver í Colarado-fylki.

Horschel hefur spilað hringina þrjá á samtals 197 höggum eða 68, 66 og átti svo frábæran hring í gær eða spilaði á 63 höggum. Hann fékk alls sjö fugla á holunum átján í gær.

Annar Bandaríkjamaður, Ryan Palmer, er í öðru sætinu þremur höggum á eftir Horschel fyrir lokahringinn. Martin Kaymer og Bubba Watson eru svo ekki langt undan, en þeir eru samtals á 202 höggum eftir hringina þrjá.

Efsti maður styrkleikalistans, Rory McIlroy, hefur ekki verið uppá sitt besta. Hann er samtals níu höggum á eftir Horschel og fjórpúttaði meðal annars á tólftu holu sem er par 3 hola.