Eystri Rangá komin í 1136 laxa

Í gær þegar veiðin af síðdegisvaktinni í Eystri Rangá var bókuð voru komnir 1136 laxar á land en samtals skilaði dagurinn 69 löxum.

Veiðin í ánni er búin að vera frábær og með þessu áframhaldi er ljóst að hún fer fljótlega á toppinn á lista yfir aflahæstu árnar í sumar.  Það sem gerir þetta ennþá skemmtilegra er að hlutfall af tveggja ára laxi er gríðarlega gott og mikið af þeim laxi er 85-95 sm, svo auðvitað nokkrir 100 sm og meira.  Öll svæðin eru að gefa laxa en auðvitað mismikið en það er fiskur á öllum veiðistöðum þannig að engin lendir í því að fá heila vakt á dauðu svæði því það er bara ekki til staðar.  Miðað við hvernig margar ár eru að koma út eftir sumarið má reikna með aukinni eftirspurn í haustveiðina í Eystri og raunar í Ytri Rangá líka en hún er loksins að komast í gang.  Þeir veiðimenn sem ekki hafa náð laxi í sumar eygja því ennþá von í að þá í lax en haustveiðin í systuránum getur oft verið mjög góð enda er lax að ganga í þær langt fram í desember.