Veiði

Flottur endir á góðu tímabili í Stóru Laxá

Karl Lúðvíksson skrifar
Þessi 97 sm hængur veiddist lokadaginn í Stóru Laxá
Þessi 97 sm hængur veiddist lokadaginn í Stóru Laxá

Veiði er lokið í Stóru Laxá í Hreppum en tímabilið þar fór bæði vel og stað í byrjun sumars og kláraðist að sama skapi afskaplega vel.

Heildarveiðin í ánni í sumar er 934 laxar og þar komu lokadagarnir ansi sterkir inn og þá sérstaklega í stórum löxum. Síðasta daginn var í það minnsta tveimur stórlöxum landað en annar var 96 sm og hinn 97 sm. Þar áður var búið að landa nokkrum á síðustu metrunum sem voru yfir 90 sm en líklega er hlutfall stórlaxa hvergi hærra á landinu en í Stóru Laxá. Það hefur verið mjög jöfn veiði á bæði neðra og efra svæðinu en veitt er á fjórar stangir á efra svæði (gamla svæði 4) og sex stangir á neðra svæðinu (gamla svæði 1-2-3). Næsta sumar verður nýtt veiðihús tekið í notkun fyrir neðra svæðið en það kemur til með að standa við brekkuna austanverða fyrir ofan Skarðsstrengi. 

Annar stórlax, 96 sm úr Stóru Laxá á lokadeginum



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.