Veiði

Ágæt veiði í opnun Veiðivatna þrátt fyrir kulda og trekk

Karl Lúðvíksson skrifar
Ingvar Sigurðsson,13,6 pd urriði úr Ónýtavatni
Ingvar Sigurðsson,13,6 pd urriði úr Ónýtavatni

Veiði hófst í Veiðivötnum á föstudaginn síðasta og þrátt fyrir heldur kalt veður og hressilegan vind á köflum er ekki annað heyra en að veiðin hafi verið ágæt.

Þetta vinsæla vatnasvæði dregur að sér fjöldann allann af veiðimönnum á hverju sumri og það er eins og venjulega mikil spenna eftir fyrstu fréttum ofan úr vötnum. Það er ekki annað að heyra en að þeir sem hafa verið uppfrá þessa fyrstu daga séu nokkuð sáttir. Aðstæður hafa verið krefjandi með kulda og trekk en veiðin virðist vera ágæt, í það minnsta hjá þeim sem við höfum rætt við en þar fara menn sem hafa veitt vötnin í áratugi.

Stærsti fiskurinn sem kominn er á land er 13,6 punda urriði úr Ónýtavatni og eitthvað hefur verið að koma á land sem er 6-9 pund svo það er engin að kvarta yfir því að það sé ekki stóra fiska að finna í vötnunum. 

Öll vötn eru nú íslaus og allir vegir færir, nema enn er ófært í Skyggnisvatn. Veiðimenn eru hvattir til að halda sig á vegslóðum og aka ekki yfir gróður þó svo bleytupollur sé á veginum. Óvenju lítið vatn er nú í Hraunvötnum, Litlasjó og Ónýtavatni. Önnur vötn eru að mestu eðlileg.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.