Fótbolti

Neymar hágrét | Tveir sentímetrar og ég væri lamaður

Eiríkur Stefán Ásgeirsson skrifar
Vísir/Getty
Brasilíumaðurinn Neymar sat fyrir svörum á blaðamannafundi í dag þar sem hann hélt því fram að hann hefði næstum lamast í leiknum gegn Kólumbíu.

Neymar brákaði hryggjarlið þegar hann fékk annað hnéð á Juan Zuniga af miklu afli í bakið í leik Brasilíu og Kólumbíu í fjórðungsúrslitum HM í Brasilíu.

Kappinn gat eðlilega ekki spilað meira með á HM og gestgjafar Brasilíu töpuðu fyrir Þýskalandi, 7-1, í undanúrslitum á þriðjudagskvöld.

„Guð veitti mér blessun sína. Tveir sentímetrar til og ég væri í hjólastól í dag,“ sagði Neymar en Zuniga bað hann afsökunar eftir leikinn.

„Ég hata hann ekki,“ sagði hann. „En það er erfitt að ræða eitthvað sem gerðist á svo mikilvægu augnabliki á mínum ferli.“

„Ég ætla ekki að fullyrða að hann hafi ætlað sér að meiða mig. Ég veit ekki hvað hann var að hugsa en allir sem hafa vit á fótbolta sjá að þetta var ekki eðlileg tækling.“

HM 2014 í Brasilíu

Tengdar fréttir

Neymar hélt að hann væri lamaður

Þjálfari brasilíska landsliðsins, Luiz Felipe Scolari, segir að stjarna liðsins, Neymar, hafi verið hræddur um að vera lamaður er hann meiddist í leiknum gegn Kólumbíu á föstudag.

Læknir Brasilíumanna segir að Neymar verði ekki meira með á HM

Læknir brasilíska landsliðsins í fótbolta staðfesti í kvöld að Neymar, aðalstjarna brasilíska landsliðsins, verði ekki meira með á HM í fótbolta í Brasilíu en framherjinn snjalli meiddist á baki í kvöld í 2-1 sigri Brasilíu á Kólumbíu.

Neymar upp á spítala?

Neymar, aðalstjarna brasilíska landsliðsins, var borinn af velli í kvöld þegar Brasilía vann 2-1 sigur á Kólumbíu í átta liða úrslitum HM í fótbolta.

Mest lesið


Fleiri fréttir

Sjá meira


×

Mest lesið