Farþegi tók mynd af vélinni fyrir flugtak

Hollenskur farþegi sem var um borð í Boeing-777 vél Malaysia Airlines, sem fórst yfir austurhluta Úkraínu í dag, tók mynd af vélinni áður en hann fór um borð og birti á Facebook.

Undir myndina skrifaði hann: „Ef hún týnist, lítur hún svona út.“

Alls voru 295 manns um borð í vélinni og eru allir taldir af. Þessi hræðilegu örlög farþegans hafa orðið til þess að fjöldinn allur af vinum hans og kunningjum senda honum nú sína hinstu kveðju í athugasemdum við myndina á Facebook.

Ekki er ljóst á þessari stundu hvað olli því að vélin fórst, en sumir erlendir fjölmiðlar, þar á meðal rússneska fréttaveitan Interfax, halda því farm að vélin hafi verið skotin niður á meðan hún flaug í um 10 þúsund metra hæð skammt frá bænum Torez nærri Shakhtersk í Donetsk héraði.

Post by Cor Pan.