Faðir Beyoncé í faðernispróf

Umboðsmaðurinn Matthew Knowles, faðir Beyoncé Knowles, þarf að gangast undir enn eitt faðernisprófið.

Þrítug kona að nafni Taqoya Branscomb frá Houston hefur lagt fram kæru á hendur Matthew og krefst þess nú að hann fari í DNA-próf til að skera úr um faðerni barns sem hún eignaðist árið 2010.

Þá fer hún einnig fram á meðlagsgreiðslur og vill að Matthew greiði allan lögfræðikostnað.

Árið 2010 fékkst það sannað að Matthew ætti fjögurra ára son með Alexsöndru Wright.

Í kjölfarið skildu hann og eiginkona hans til þrjátíu ára, Tina Knowles. Ári síðar rak Beyoncé föður sinn en hann hafði starfað sem umboðsmaðurinn hennar um árabil.