Hummels fór meiddur af velli

Varnarmaðurinn Mats Hummels fór meiddur af velli í 7-1 stórsigri Þýskalands á Brasilíu á HM í kvöld.

Hummels fór af velli í hálfleik en staðan var þá 5-0, Þjóðverjum í vil. Per Mertesacker, leikmaður Arsenal, kom inn á í hans stað.

Hummels hafði áður misst af leik í keppninna vegna flensu en hann sagði við fjölmiðla eftir leik að hann hafi verið að glíma við meiðslin síðustu daga.

„Ég ákvað því að fara af velli svo að meiðslin yrðu ekki verri. Nú fer ég í meðhöndlun og vona að ég geti spilað í úrlsitaleiknum á sunnudag,“ sagði Hummels.