Sonur Roberts Downey Jr. handtekinn

Indio, sonur leikarans Roberts Downey Jr., var handtekinn um helgina fyrir að vera með kókaín í fórum sínum samkvæmt síðunni TMZ.

Indio, sem er tvítugur, var í bíltúr með vini sínum á sunnudag í Vestur-Hollywood í Kaliforníu þegar lögreglan keyrði við hlið bílsins og sá Indio reykja pípu.

Lögreglumenn leituðu á Indio og vini hans og fannst kókaín í fórum stjörnubarnsins. Hann var handtekinn og settur í fangelsi.

Robert glímdi einnig við fíkniefnafíkn og fékk að dúsa í fangelsi áður en hann tók sig saman í andlitinu og blés lífi í leikaraferil sinn.