Fótbolti

Chiellini olli mér vonbrigðum

Kristinn Páll Teitsson skrifar
Vísir/Getty
Diego Lugano, fyrirliði Úrúgvæ, telur að Giorgio Chiellini hafi gert of mikið úr því þegar Luis Suárez beit hann í leik Ítalíu og Úrúgvæ á Heimsmeistaramótinu í gær.

Suárez beit í öxlina á Chiellini í leiknum en dómari leiksins, Marco Rodríguez, sá atvikið ekki. Chiellini reyndi að benda Rodríguez á bitförin á öxl sinni en úrúgvæsku landsliðsmennirnir reyndu að hylja sárið.

Lugano sem leikur með WBA á Englandi var óánægður með viðbrögð Chiellini og sagðist aldrei hafa séð leikmann bregðast jafn illa við tapi.

„Versta við þetta allt saman voru viðbrögð Chiellini. Hann er frábær leikmaður sem hefur átt góðan feril en það er ekki eðlilegt fyrir ítalskan landsliðsmann að fara af vellinum grátandi. Ég leit upp til hans sem fótboltamanns en hann olli mér gríðarlegum vonbrigðum í gær,“ sagði Lugano.

HM 2014 í Brasilíu

Tengdar fréttir

167 manns veðjuðu á það að Suarez myndi bíta

Úrúgvæmaðurinn Luis Suárez virtist bíta ítalska varnarmanninn Giorgio Chiellini í leik Úrúgvæ og Ítalíu á HM í Brasilíu í gær. Flestir trúðu ekki sínum augum þegar þegar þeir horfðu á sjónvarpsútsendinguna frá leiknum en það voru ótrúlega margir sem „sáu" þetta fyrir eins og kemur fram í frétt ESPN.

Suárez þarf að leita sér aðstoðar

Roberto Martinez, knattspyrnustjóri Everton, telur að Luis Suárez þurfi að leita sér aðstoðar eftir að hann beit leikmann í þriðja sinn á ferlinum í leik Úrúgvæ og Ítalíu í gær.

Veit ekki hvort FIFA hafi nægilegar sannanir

Gylfi Þór Orrason á von á því að Luis Suárez verði dæmdur í langt keppnisbann ef aganefnd FIFA finnur fullnægjandi sönnun fyrir því að hann hafi bitið Giorgio Chiellini í leik Ítalíu og Úrúgvæ í gær.

Mest lesið


Fleiri fréttir

Sjá meira


×

Mest lesið