Rannsókn á hópnauðgun í Breiðholti lýkur í júní

Vonast er til þess að rannsókn á meintri hópnauðgun sem átti sér stað í Breiðholti í byrjun maí ljúki nú í júní og að málinu verði vísað til ríkissaksóknara í lok mánaðar. RÚV greinir frá.

Gunnar Rúnar Sveinbjörnsson, kynningarfulltrúi lögreglunnar á höfuðborgarsvæðinu, segir rannsóknina mjög umfangsmikla, marga hafi þurft að kalla að málinu og að skýrslutaka hafi verið tímafrek.

Meint hópnauðgun átti sér stað í heimahúsi í Breiðholti og voru fimm karlmenn handteknir eftir að fórnarlambið kærði nauðgunina til lögreglu. Fjórir af mönnunum eru á átjanda ári en einn af þeim orðinn tvítugur. Barnaverndarnefnd var því kölluð í málið. Fórnarlambið þekkti árásarmennina áður en atburðinn átti sér stað.