Aron danskur meistari með KIF

Aron Kristjánsson gerði KIF Kolding Köbenhavn að dönskum meisturum í handbolta í kvöld eftir sigur á Álaborg í síðari viðureign liðanna í lokaúrslitum, 19-17.

KIF vann fyrri leik liðanna, 23-19, og hefði því mátt tapa með fjögurra marka mun í kvöld til að tryggja sér meistaratitilinn.

Staðan í hálfleik var 12-11, KIF í vil. Lítið var skorað fyrstu 20 mínútur síðari hálfleiksins en staðan þegar tíu mínútur voru eftir var 15-14, Álaborg í vil. Þá hrökk KIF í gang og tryggði sér sigurinn með því að skora fimm mörk í röð.

Kasper Hvidt átti stórleik í marki KIF og var með nálægt 50 prósenta hlutfallsmarkvörslu í leiknum í kvöld.

Aron tók við KIF eftir áramóti og hefur náð frábærum árangri með liðið. Liðið varð bikarmeistari undir hans stjórn. Honum stendur til boða að halda áfram með liðið en Aron er einnig þjálfari íslenska landsliðsins.

Leikurinn var sá síðasti hjá Joachim Boldsen, þaulreyndum fyrrum landsliðsmanni Dana, sem leggur nú skóna á hilluna eftir glæsilegan feril.

Post by KIF Kolding København.