Sérfræðingar til Nígeríu í leit að skólastúlkum

Bandarískir sérfræðingar hafa verið sendir til Nígeríu til þess að aðstoða við leitina að rúmlega 200 skólastúlkum sem hryðjuverkasamtökin Boko Haram rændu á dögunum.

Barack Obama forseti Bandaríkjanna segir að í liðinu séu menn úr hernum, lögreglu og frá fleiri stofnunum. Forsetinn segist vonast til þess að mannránin herði alþjóðasamfélagið í baráttunni gegn samtökunum sem hafa vaðið uppi í Nígeríu síðustu misserin. Á mánudaginn var hótaði leiðtogi samtakanna, Abubakar Shekau því að stúlkurnar yrðu seldar til þrælahaldara.