Stefán: Fengum lánaðan Austin Mini

Stefán Arnarsson, þjálfari Vals, var hæstánægður með öruggan sigur síns liðs á ÍBV í fjórðungsúrslitum Coca-Cola bikar kvenna i kvöld, 27-20.

Eins og fjallað er um hér að neðan var sigurinn öruggur en með honum náði Valur að hefna fyrir tap í deildarleik í Vestmannaeyjum í síðasta mánuði.

„Eftir leikinn var sagt að þær hefðu farið inn í klefa og sagst hafa valtað yfir okkur. Við fórum inn í okkar klefa, fengum lánaðan Austin Mini og unnum þær,“ sagði Stefán við Vísi eftir leikinn.