ÍBV vann Val í Eyjum | Úrslit dagsins

Fjórum leikjum er nú nýlokið í Olísdeild kvenna í handbolta en Stjarnan er komið með þriggja stiga forystu á toppi deildarinnar.

Stjarnan hafði betur gegn Haukum, 23-18, í Garðabæ en Valur tapaði á sama tíma fyrir ÍBV í Eyjum, 23-22, í æsispennandi leik.

Valur missti því Stjörnuna þremur stigum frá sér á toppi deildarinnar en Garðbæingar eru með 23 stig. ÍBV er nú í þriðja sæti með átján stig, jafn mörg og Íslandsmeistarar Fram.

Valskonur byrjuðu mjög vel í Eyjum í dag og náðu fjögurra marka forystu, 6-2, eftir tíu mínútna leik. Valur komst mest sex mörkum yfir áður en flautað var til loka fyrri hálfleiks í stöðunni 15-10.

ÍBV sneri leiknum sér í vil með mögnuðum kafla í upphafi síðari hálfleiks en ÍBV var þremur mörkum yfir, 21-18, eftir 42 mínútna leik.

Valskonur héldu í við ÍBV eftir þetta en heimamenn náðu að hanga á forystunni allt til loka, þó svo að aðeins eitt mark hafi verið skorað á síðustu fimm mínútum leiksins. Vera Lopes skoraði tíu mörk fyrir ÍBV í dag eða tæplega helming marka síns liðs.

Grótta er í fimmta sætinu með sautján stig en liðið vann HK á útivelli, 26-23. Að síðustu vann Fylkir sigur á botnliði Aftureldingar í Árbænum.

Úrslit dagsins:

Fylkir - Afturelding 25-16 (10-10)

Mörk Fylkis: Patrícia Szölözi 12, Thea Imani Sturludóttir 3, Andrea Olsen 3, Díana Kristín Sigmarsdóttir 2, Hildur Björnsdóttir 2, Andrea Ósk Þorkelsdóttir 1, Ólöf Kristín Þorsteinsdóttir 1, Kristjana Björk Steinarsdóttir 1.

Mörk Aftureldingar: Sara Kristjánsdóttir 5, Vigdís Brandsdóttir 4, Monika Budai 3, Hekla Daðadóttir 2, Ingibjörg Jóhannesdottir 1, Telma Frímannsdóttir 1.

ÍBV - Valur 23-22 (10-15)

Mörk ÍBV: Vera Lopes 10, Ester Óskarsdóttir 6, Díana Dögg Magnúsdóttir 4, Guðbjörg Guðmannsdóttir 2, Arna Þyrí Ólafsdóttir.

Mörk Vals: Kristín Guðmundsdóttir 8, Karólína Lárudóttir 4, Ragnhildur Guðmundsdóttir 4, Rebekka Rut Skúladóttir 3, Aðalheiður Hreinsdóttir 1, Hrafnhildur Ósk Skúladóttir 1, Anna Úrsúla Guðmundsdóttir 1.

HK - Grótta 23-26 (9-14)

Mörk HK: Valgerður Ýr Þorsteinsdóttir 5, Sigríður Hauksdóttir 5, Anna María Guðmundsdóttir 4, Guðrún Erla Bjarnadóttir 4, Sóley Ívarsdóttir 2, Þórhildur Braga Þórðardóttir 2, Gerður Arinbjarnar 1.

Mörk Gróttu: Unnur Ómarsdóttir 11, Laufey Ásta Guðmundsdóttir 7, Anett Köbli 4, Lene Burmo 4.

Stjarnan - Haukar 23-18