Eitthvað til að bíta í með boltanum - UPPSKRIFTIR

Heimsmeistaramótið í knattspyrnu hefst á morgun og um að gera að búa til dýrindissnakk sjálfur heima fyrir.

Chili- og súraldinflögur



3 russet-kartöflur

Ólífuolía

Safi úr hálfu súraldini

1/4 tsk. rautt chiliduft

sjávarsalt



Hitið ofninn í 190°C. Hreinsið og skrælið kartöflur. Skerið þær í afar þunnar sneiðar. Setjið bökunarpappír á ofnplötu og burstið með olíu. Setjið kartöflusneiðarnar á plötuna, án þess þó að stafla hverri ofan á aðra. Setjið smá olíu og sjávarsalt ofan á sneiðarnar og bakið í fimmtán til tuttugu mínútur. Setjið sneiðarnar á eldhúspappír og leyfið mestu olíunni að fara úr þeim, blandið síðan súraldinsafanum og chilidufti saman við á meðan sneiðarnar eru enn heitar. Leyfið þeim að kólna áður en þær eru bornar fram.

Fengið hér.

Gráðaostsídýfa



1 lítill pakki rjómaostur, mjúkur

1/2 bolli fersk steinselja

1/4 bolli laukur

1/2 bolli sýrður rjómi

2 msk. hvítvínsedik

1 hvítlauksgeiri

1 tsk. sterk sósa, til dæmis Tabasco

1 tsk. sítrónubörkur

1/2 tsk. pipar

1/2 bolli niðurskorinn gráðaostur



Setjið öll hráefnin nema gráðaost í matvinnsluvél og blandið vel saman. Bætið síðan gráðaostinum við og blandið létt saman. Berið fram með snakki, grænmeti eða kjúklingavængjum.

Fengið hér.