Slash og Steven Tyler spila saman

Nokkrar af helstu goðsögnum rokksögunnar hafa sameinast á nýrri góðgerðarplötu, sem á að hjálpa til við að útrýma barnaþrælkun. Platan mun bera titilinn Set Them Free.

Á plötunni verður meðal annars að finna lög eftir The Police og Sting, í flutningi goðsagna á borð við Steven Tyler úr Aerosmith, Slash úr Guns N´ Roses, Heart, Glenn Hughes úr Deep Purple og fleiri þekktra einstaklinga.

Platan er gerð til þess að styðja við samtökin, R.A.T., Rock Agains Trafficking. Um er að ræða samtök sem berjast gegn barnaþrælkun en Gary Stewart er talsmaður samtakanna. Þá eru tónleikar til styrktar samtakanna fyrirhugaðir í september á Bretlandi.

Stewart segir að um 27 milljónir manna séu í einhvers konar þrældómi í dag og þar af séu 80 prósent þeirra konur og börn. Hann bætir við að markmið þeirra sé opna augu fólks og reyna koma í veg fyrir barnaþrældóm.

Fullgerður lagalisti og útgáfudagur plötunnar kemur í ljós innan skamms.