Eyjakonur unnu á Ásvöllum

ÍBV vann tveggja marka sigur á Haukum í Olís-deild kvenna í handbolta í kvöld, 28-30.

Eyjakonur voru einu marki yfir í hálfleik, 15-16, og héldu út í spennandi leik á Ásvöllum.

Marija Gedroit, stórskytta Hauka, skoraði níu mörk líkt og kollegi hennar í Eyjaliðinu, Vera López.

ÍBV er í þriðja sæti deildarinnar með átta stig en Haukar í fimmta sæti með fjögur stig eftir fimm leiki.

Haukar - ÍBV 28-30 (15-16)

Mörk Hauka: Marija Gedroit 9, Ásta Björk Agnarsdóttir 6, Karen Helga Díönudóttir 5, Ragnheiður Ragnarsdóttir 2, Ragnheiður Sveinsdóttir 2, Viktoria Valdimarsdóttir 2, Silja Ísberg 1, Gunnhildur Pétursdóttir 1.

Mörk ÍBV: Vera Lópes 9, Díana Dögg Magnúsdóttir 7, Jóna Sigríður Halldórsdóttir 7, Telma Amado 4, Ester Óskarsdóttir 3.